నా ఊపిరి నీవే చెలి...!!

Posted: 07/08/2016 11:35 AM IST

డిఫరెంట్ టేకింగ్ తో ఇప్పటికీ తనదైన స్టైల్లో చిత్రాలు నిర్మిస్తున్న దర్శకుడు మణిరత్నం. గతంలో తన దగ్గర పనిచేసిన శిష్యుడు , హీరో సూర్య తమ్ముడు మంచి రొమాంటిక్ అండ్ మాస్ హీరోగా ఎదిగాడు. దాంతో మణిరత్నం కార్తీతో ఒక సినిమా తీస్తున్నట్లుగా ఎనౌన్స్ చేసిన సంగతి తెలిసిందే. ఈ సినిమాలో హీరోయిన్ గా అథితిరావ్ హైదరి నటిస్తోంది. ఈ సినిమాకి సంబంధించిన ఫస్ట్ లుక్ పోస్టర్ ని రిలీజ్ చేశారు. ఈ సినిమాకి తమిళంలో 'కాట్రు వెలియిదై' అంటే తెలుగులో ఊపిరి వెళ్లే దారి అని, గాలి వదిలే మార్గం అని అర్ధం వస్తుంది.

ఇప్పుడు ఈ సినిమా ఫస్ట్ లుక్ ని విడుదల చేసింది. ఈ సినిమాకి రవివర్మ ఫోటో గ్రాఫీని అందిస్తున్నాడు. మద్రాస్ టాకీస్ పతాకం పై ఈ సినిమా నిర్మిస్తున్నారు. సినిమాకి ఏ ఆర్ రెహ్మాన్ మ్యూజిక్ ని అందిస్తున్నారు. తొలి షెడ్యూల్ ఊటీలో ఉంటుందని ఈ చిత్రం మొత్తం చక్కని ప్రేమకథలా మరో గీతాంజలి సినిమాని గుర్తుచేసేలా ఉంటుందని చెప్తున్నారు చిత్రయూనిట్. ఈ సినిమాలో కార్తీ ఒక పైలట్ గా కనిపిస్తున్న సంగతి తెలిసిందే. ఈ సినిమాకి తెలుగు టైటిల్ ఇంకా ఖరారు చేయలేదు. 'నా ఊపిరి నీవే చెలి' అనే టైటిల్ పరిశీలనలో ఉన్నట్లుగా తెలుస్తోంది.

- మూర్తి