శరవేగంగా షూటింగ్..!

Posted: 06/23/2016 12:29 PM IST

రామ్ చరణ్ హీరోగా రకుల్ ప్రీత్ సింగ్ హీరోయిన్ గా స్టైలిష్ డైరెక్టర్ సురేందర్ రెడ్డి డైరెక్షన్ లో తెరకెక్కుతున్న సినిమా ద్రువ. తమిళంలో సూపర్ డూపర్ హిట్ అయిన తనీ ఒరువన్ సినిమాకి రీమేక్ గా ఈ సినిమా రూపొందుతోంది. ఈ సినిమాలో రామ్ చరణ్ చాలా స్టైలిష్ గా కనిపించనున్నాడని టాక్.

ఈ సినిమా ప్రస్తుతం అందమైన కాశ్మీర్ లొకేషన్స్ లో షూటింగ్ పూర్తి చేసుకుని వచ్చింది. తర్వాత షెడ్యూల్ హైదరాబాద్ లో స్పెషల్ గా వేసిన సెట్ లో తీసేందుకు ప్లాన్ చేస్తున్నాడు దర్శకుడు.

వరుస ఫ్లాపులతో సతమతమవుతున్న ఈ మెగా పవర్ స్టార్ కనీసం ఈ సినిమాతో అయినా హిట్ అందుకోవాలని చూస్తున్నాడు. అయితే, ఇప్పటికే తమిళ సినిమాని అందరూ చూసిన నేపథ్యంలో సినిమాలో భారీ మార్పులు ఉంటే తప్ప సినిమా ప్రేక్షకులకు నచ్చదని అంటున్నారు సినీ విశ్లేషకులు. ఇప్పుడు ఈ సినిమాని రామ్ చరణ్ కి ఎంత ముఖ్యమో, ఇటు దర్శకుడు సురేందర్ రెడ్డికి అంతే ముఖ్యమని అందుకే సినిమాని ప్రెస్టేజియస్ గా రూపొందిస్తున్నాడని చెప్తున్నారు చిత్రయూనిట్ వర్గాలు.

- మూర్తి