మళ్లీ అతనే కావాలంట...!

Posted: 06/17/2016 04:23 PM IST

యువ నటుడు జై, నటి అంజిలిలది హిట్ కాంబినేషన్ అని చెప్పవచ్చు. వీరిద్దరూ కలిసి నటించిన ఎంగేయమ్ ఎప్పోదుమ్ చిత్రం మంచి విజయాన్ని సాధించింది. ఈ చిత్రం తెలుగులో జెర్నీ పేరుతో అనువాదమై మంచి పేరు తెచ్చుకున్న సంగతి తెలిసిందే. ఆ చిత్రంలో జై, అంజిలి మంచి కెమిస్ట్రీ వర్కౌట్ అయ్యిందనే ప్రశంసలు అందుకున్నారు. అంతేకాదు అప్పట్లో వీరిద్దరూ ప్రేమలో పడ్డారనే వదంతులు కూడ చక్కర్లు కొట్టాయి.

మళ్లీ ఐదేళ్ల తర్వాత జై, అంజిలి కలిసి నటించడానికి సిద్ధమవుతున్నారన్నది తాజా వార్త.  ఈ క్రేజ్ చాలా కాలం మళ్లీ జైతో నటించాలని కావాలనే అంజలి డైరెక్టర్ కి ఆబ్లికేషన్ పెట్టిందని చెప్తున్నారు.ఈ చిత్రం ద్వారా సినీష్ అనే నవ దర్శకుడు పరిచయం అవుతున్నాడు. ఈ చిత్రం గురించి ఆయన తెలుపుతూ జై, అంజలి జంట గా ఒక రొమాంటిక్ లవ్, హారర్ థ్రిల్లర్ కథను తెరకెక్కించనున్నట్లు వెల్లడించారు.

ముఖ్యంగా ఏ తరహా పాత్రనైనా తనదైన శైలితో నటించి మెప్పించగల సత్తా ఉన్న అంజిలి తమ చిత్రానికి ప్రధాన ఆకర్షణ అవుతుందన్నారు. ఆమె పాత్రకు చాలా ప్రాముఖ్యత ఉంటుందని అన్నారు. ఈ చిత్రంలో అంజలి అయితేనే బాగుంటుందని తమ యూనిట్ మొత్తం ఏకగ్రీవంగా నిర్ణయించుకున్నామని చెప్పారు. ఇంకా పేరు నిర్ణయించని ఈ చిత్రానికి  ఆర్.శరవణన్ చాయాగ్రహణం, ఫైట్స్‌ను దిలీప్ సుబ్బరాయన్ చేస్తున్నారు.

- మూర్తి