అతనే రేఖకు ప్రేమపాఠాలు నేర్పించాడట!

Posted: 01/28/2016 10:13 AM IST

తనకు ప్రేమంటే ఏంటో తెలియజేసింది అతనే అని చెబుతోంది బాలీవుడ్ ఎవర్ గ్రీన్ గ్లామర్ క్వీన్ రేఖ. ఇటీవలే యశ్ చోప్రా స్మారక అవార్డును రేఖ అందుకున్నారు. ముంబైలో జరిగిన ఈ కార్యక్రమంలో మహారాష్ట్ర గవర్నర్ సిహెచ్ విద్యాసాగర్ చేతుల మీదుగా రేఖ ఈ అవార్డును అందుకున్నారు. ఈ కార్యక్రమంలో జ్యూరి సభ్యులతో పాటు డేవిడ్ ధావన్, పూనమ్ దిల్లాన్, మోహన్ బాబు, గుల్షన్ గ్రోవర్, శతృఘ్నసిన్హా లు పాల్గొన్నారు.

ఈ సంధర్భంగా రేఖ తనకు యశ్ చోప్రాతో వున్న అనుబంధాన్ని గుర్తిచేసుకున్నారు. రేఖ మాట్లాడుతూ... తన కెరీర్ లోనే బిగ్గెస్ట్ హిట్స్ లలో ఒకటైన ‘సిల్ సిలా’ సినిమాను యశ్ చోప్రా దర్శకత్వంలోనే నటించానని, ఆ సమయంలో తనకు ప్రేమ అంటే ఏంటో ఆయనే తెలియజేశారని రేఖ తెలిపింది. ఇది తన కెరీర్ కు ముగింపు కాకపోయినప్పటికీ, ఎప్పటికీ గుర్తుండిపోయే ఓ బెస్ట్ చాప్టర్ అని రేఖ చెప్పుకొచ్చింది.

సినిమాల్లో అవకాశాలు వచ్చినన్నీ రోజులు కూడా నటిస్తానని, ఇప్పట్లో రిటైర్ అయ్యే ఆలోచనే లేదని రేఖ చెప్పుకొచ్చింది. మరి ఇప్పటికీ కూడా ఏమాత్రం వన్నెతగ్గని గ్లామర్ రేఖ సొంతం.