‘పడేసావే’ పాటలు విడుదల

Posted: 01/27/2016 10:06 AM IST

అయాన్ క్రియేషన్స్ బ్యానర్ పై కార్తీక్ రాజు, నిత్యాశెట్టి, శామ్ హీరోహీరోయిన్లుగా చునియా దర్శకత్వంలో రూపొందుతున్న చిత్రం ‘పడేసావే’. అనూప్ రూబెన్స్ సంగీతం అందించిన ఈ సినిమా ఆడియో విడుదల కార్యక్రమం మంగళవారం హైదరాబాద్ లో జరిగింది. ఈ కార్యక్రమానికి అక్కినేని నాగార్జున, దర్శకేంద్రుడు కె.రాఘవేంద్రరావు, ప్రకాశ్ రాజ్, లావణ్య త్రిపాఠి తదితరులు విచ్చేసారు.

బిగ్ సీడిని అక్కినేని నాగార్జున, కె.రాఘవేంద్రరావు ఆవిష్కరించారు. ఆడియో సీడీలను కె.రాఘవేంద్రరావు విడుదల చేయగా, తొలి సీడీని రాజ్యసభ సభ్యుడు యార్లగడ్డ లక్ష్మీ ప్రసాద్ అందుకున్నారు. ఈ వేడుకలో నాగార్జున చిత్ర యూనిట్ తో కలిసి స్టెప్పులేసి, ఎంజాయ్ చేసారు. ఇప్పటికే విడుదలైన ట్రైలర్లు, పోస్టర్లకు మంచి రెస్పాన్స్ వస్తోంది. త్వరలోనే ఈ సినిమా ప్రేక్షకుల ముందుకు రానుంది.