అంగరంగ వైభంగా ప్రారంభమైన ఐఫా వేడుకలు

Posted: 01/25/2016 09:16 AM IST

సౌత్ ఇండియాలో మొట్టమొదటిసారిగా ఐఫా వేడుకలు ఘనంగా జరుగుతున్నాయి. ఇప్పటివరకు నార్త్ ఇండియాకే పరిమితమైన ఈ అవార్డులు ఇప్పుడు సౌత్ ఇండియాలో కూడా సంచలనం సృష్టిస్తున్నాయి. ఈ వేడుకలు జనవరి 24, 25 తేదిలలో హైదరాబాద్ లోని గచ్చిబౌలి అవుట్ డోర్ స్టేడియంలో గ్రాండ్ గా ప్రారంభమయ్యాయి. నిన్న సాయంత్రం ఈ అవార్డుల వేడుక అంగరంగా వైభంగా, కన్నుల పండగగా జరిగింది.

ఈ మొదటి రోజు అవార్డు ప్రధానోత్సవంలో భాంగా తమిళం, మలయాళం సినీ ఇండస్ట్రీలకు సంబంధించిన అవార్డులను అందించారు. ఈ వేడుకకు తొలిరోజు కార్యక్రమానికి ఇరు రాష్ట్రాల గవర్నర్ రాజనరసింహన్ ముఖ్య అతిథిగా విచ్చేసి, వేడుకను ప్రారంభించారు. అలాగే ఈ కార్యక్రమానికి తమిళం, మలయాళ సినీ ఇండస్ట్రీకి చెందిన పలువురు తారలు హాజరయ్యారు.

ఈ కార్యక్రమంలో పలువురు హీరోయిన్లు డాన్సులతో అలరించారు. మరికొద్ది గంటల్లో అవార్డు గ్రహీతల వివరాలను ప్రకటించనున్నారు. ఇక ఈరోజు తెలుగు, కన్నడ సినీ ఇండస్ట్రీలకు చెందిన అవార్డులను అందించనున్నారు. ఈ వేడుకకి అల్లు శిరీష్-రెజీనాలు హోస్ట్ లుగా వ్యవహరించనున్నారు. అలాగే రాంచరణ్, అఖిల్ లు తమ డాన్సులతో ఆకట్టుకోనున్నారు.