రాజమౌళి చేతుల మీదుగా లచ్చిందేవి పాటలు విడుదల

Posted: 10/12/2015 03:59 PM IST

‘అందాల రాక్షసి’ జంట నవీన్ చంద్ర, లావణ్య త్రిపాఠి హీరోహీరోయిన్లుగా నటిస్తున్న తాజా చిత్రం ‘లచ్చిందేవికి ఓ లెక్కుంది’. జగదీష్ తలశిల దర్శకత్వంలో మయూఖ క్రియేషన్స్ బ్యానర్ పై ప్రసాద్ కామినేని నిర్మిస్తున్న ఈ చిత్రానికి యం.యం. కీరవాణి సంగీతం అందించారు.

ఈ చిత్ర ఆడియో విడుదల కార్యక్రమం నిన్న హైదరాబాద్ లోని శిల్పకళా వేదికలో జరిగింది. ఈ కార్యక్రమానికి ఎస్.ఎస్.రాజమౌళి ముఖ్య అతిథిగా విచ్చేసారు. అలాగే చిత్ర యూనిట్ తో పాటు నాని, సునీల్, లక్ష్మీ ప్రసన్న, నవదీప్, అల్లరి నరేష్ తదితరులు పాల్గొన్నారు. ఆడియో సీడీలను రాజమౌళి ఆవిష్కరించి తొలి సీడిని శివశక్తిదత్తాకు అందించారు.

ఈ కార్యక్రమానికి విచ్చేసినవారంతా సినిమా విజయం సాధించాలని కోరుకున్నారు. ప్రస్తుతం ఈ చిత్ర షూటింగ్ చివరి దశకు వచ్చింది. త్వరలోనే ఈ చిత్రాన్ని ప్రేక్షకుల ముందుకు తీసుకురానున్నారు. మరి ఈ సినిమా ఎలాంటి విజయం సాధించనుందో చూడాలి.