ఆ డైరెక్టర్ కి థ్యాంక్స్ చెప్పిన రకుల్

Posted: 09/26/2015 01:15 PM IST

Rakul preet singh thanks director srivasu loukyam movie unit twitter

రకుల్ ప్రీత్ సింగ్.. కెరీర్ ప్రారంభంలో అవకాశాల కోసం ఎన్నో కష్టాలు ఎదుర్కొంది. ‘కెరటం’ సినిమాతో హీరోయిన్ గా ఎంట్రీ ఇచ్చిన ఈమెకు.. ఆ తర్వాత కొద్దోగొప్పో అవకాశాలు మాత్రమే వచ్చేవి. ఇంతలోనే ఈమెకు ‘వెంకటాద్రి ఎక్స్ ప్రెస్’లో నటించే మంచి ఆఫర్ లభించింది. ఆ సినిమా సక్సెస్ అయింది. అయినప్పటికీ ఈ అమ్మడికి ఆఫర్ల కోసం కొన్నాళ్లపాటు వెయిట్ చేయక తప్పలేదు. ఇంతలోనే ఓ డైరెక్టర్ ఈమెని సంప్రదించాడు.. తాను తీయబోతున్న ఓ భారీ సినిమాలో నటించాల్సిందిగా కోరాడు.. చేతికందిన అవకాశాన్ని వదులుకోకూడదని ఒప్పుకుంది.. ఆ చిత్రం ఘనవిజయం సాధించింది. అంతే! రకుల్ కెరీర్ ఒక్కసారిగా మలుపు తిరిగింది. ఇంతకీ ఆ డైరెక్టర్ ఎవరు? ఆ సినిమా ఏంటి? అని ఆలోచిస్తున్నారా? ఆ వివరాలు తెలియాలంటే మేటర్ లోకి వెళ్లాల్సిందే!

మ్యాచో మ్యాన్ గోపీచంద్ హీరోగా శ్రీవాసు దర్శకత్వంలో ‘లౌక్యం’ చిత్రం తెరకెక్కిన విషయం తెలిసిందే! ఈ చిత్రంలోనే రకుల్ ప్రీత్ సింగ్ హీరోయిన్ గా నటించింది. ఆ సినిమా అప్పట్లో ఘనవిజయం సాధించింది. ఆ దెబ్బతో రకుల్ కి భారీ సినిమాల్లో నటించే అవకాశాలు వరించాయి. ప్రస్తుతం ఆమె రామ్ చరణ్ తో ‘బ్రూస్ లీ’, ఎన్టీఆర్ తో ‘నాన్నకు ప్రేమతో’, బన్నీ-బోయపాటి కాంబినేషన్ లో రూపొందుతున్న సినిమాల్లో హీరోయిన్ గా నటిస్తోంది. తనకు ఈ స్థాయికి ఎదిగేలా హెల్ప్ అయింది ‘లౌక్యం’ సినిమా అని, ఆ చిత్రం ఇప్పటికీ విడుదలై ఏడాది పూర్తైన సందర్భంగా ఆ మూవీ యూనిట్ కి థ్యాంక్స్ చెప్పింది. ‘వెంకటాద్రి ఎక్స్ ప్రెస్’ తనకు మంచి విజయాన్ని అందిస్తే.. ‘లౌక్యం’ సెకండ్ బిగ్గెస్ట్ టర్నింగ్ పాయింట్ అందించిందని.. ఆ సినిమా తన కెరీర్ లోనే ఎంతో ప్రత్యేకమైందని తెలిపింది. ఈ నేపథ్యంలోనే ఆ చిత్రంలో నటించే అవకాశం కల్పించిన డైరెక్టర్ శ్రీవాసుకు కృతజ్ఞతలు తెలిపింది.