‘సర్దార్ గబ్బర్ సింగ్’గా పవర్ స్టార్... ఫస్ట్ లుక్ సిరిగిపోయిందిపో

Posted: 08/15/2015 01:27 PM IST

Pawan kalyan sardaar gabbar singh movie first look poster

పవర్ స్టార్ పవన్ కళ్యాణ్ మళ్లీ తన హవా మొదలుపెట్టేసాడు. పవన్ కళ్యాణ్ హీరోగా ‘పవర్’ ఫేం బాబీ దర్శకత్వంలో ఓ చిత్రం తెరకెక్కుతున్న విషయం తెలిసిందే. ఈ చిత్రానికి ‘గబ్బర్ సింగ్2’, ‘సర్దార్’ అనే టైటిల్స్ లను పరిశీలిస్తున్నట్లుగా గతకొద్దిరోజులుగా వార్తలొచ్చాయి. కానీ చిత్ర యూనిట్ మాత్రం ఈ రెండు పేర్లను కలిపేసి, ఓ పవర్ ఫుల్ టైటిల్ ను ప్రకటించేసారు.

పవన్ కళ్యాణ్ నటిస్తున్న తాజా చిత్రానికి ‘సర్దార్ గబ్బర్ సింగ్’ అనే టైటిల్ ను ఖరారు చేసారు. ఇటీవలే విడుదలైన స్టిల్ కు మంచి రెస్పాన్స్ వచ్చింది. అయితే తాజాగా నేడు (ఆగష్టు 15) ఇండిపెండెన్స్ డే సంధర్భంగా ఈ చిత్ర ఫస్ట్ లుక్ పోస్టర్ ను విడుదల చేసారు. ఇందులో పవన్ కళ్యాణ్ చాలా స్టైలిష్ గా కనిపిస్తున్నాడు.

అంతే కాకుండా టైటిల్ కూడా మాంచి కిక్ ఇచ్చే విధంగా వుంది. భారీ బడ్జెట్ తో ప్రముఖ నిర్మాత శరత్ మరార్ నిర్మిస్తున్న ఈ చిత్రానికి యువ సంగీత దర్శకుడు దేవిశ్రీప్రసాద్ సంగీతం అందిస్తున్నాడు. హై వోల్టేజ్ యాక్షన్ ఎంటర్ టైనర్ గా రూపొందుతున్నఈ చిత్రాన్ని వచ్చే సంవత్సరం సంక్రాంతి కానుకగా విడుదల చేయడానికి చిత్ర యూనిట్ సన్నాహాలు చేస్తున్నారు.