ప్రభాస్ బాహుబలి సినీ అభిమానులపై లాఠీఛార్జ్

Posted: 07/10/2015 01:48 PM IST

Baahubali movie fans injured in tickets rush

యంగ్ రెబల్ స్టార్ ప్రభాస్ హీరోగా నటించిన ‘బాహుబలి’ సినిమా నేడు ప్రపంచ వ్యాప్తంగా విడుదలైన విషయం తెలిసిందే. అయితే ఈ చిత్ర టికెట్ల కోసం గతకొద్ది రోజులుగా అభిమానులు భారీగా ఎదురుచూస్తున్నారు. గత రెండు రోజులుగా దేశవ్యాప్తంగా బాహుబలి చిత్రం ప్రదర్శించబడే థియేటర్ల వద్ద అభిమానులు భారీ సంఖ్యలో టికెట్ల కోసం క్యూ కట్టేసారు.

టికెట్ ధరలు ఎంత ఎక్కువైనా కూడా అభిమానులు మాత్రం టికెట్లను దక్కించుకోవడంలో చాలా ప్రయత్నాలు చేస్తున్నారు. అయితే ఈరోజు (జులై 10) విడుదలైన బాహుబలి థియేటర్ల వద్ద టికెట్ల కోసం తొక్కిసలాటలు జరిగాయి. కొన్ని థియేటర్ల వద్ద బాహుబలి టికెట్ల కోసం అభిమానులు భారీగా పోటీపడ్డారు.

అయితే ఇందులో భాగంగా ఎల్బీనగర్ లోని విజయలక్ష్మీ థియేటర్ వద్ద అభిమానులు ‘బాహుబలి’ టికెట్ల కోసం పెద్ద సంఖ్యలో ఎగబడటంతో అక్కడే వున్న పోలీసులు వారిపై లాఠీ ఛార్జ్ చేసారు. దీంతో థియేటర్ పైకి అభిమానులు దాడి చేసారు. అయినా కూడా కొంతమంది అభిమానులు గాయపడ్డారు. థియేటర్ యాజమాన్యం టికెట్లను బ్లాక్ లో అమ్మేసుకోవడంపైనే అభిమానులు ఆగ్రహం వ్యక్తం చేస్తున్నారు.