వావ్..! గ్రేట్ ! బన్ని నీ కళా హృదయానికి వందనం..

Posted: 06/28/2015 02:03 PM IST

గంగోత్రి నుంచి కెరీర్ స్టార్ట్ చేసి.. అనతి కాలంలోనే తెలుగు ప్రజల హృదయాలలో సుస్థిర స్థానం ఏర్పర్చుకున్న నటుడు అల్లు అర్జున్. గంగోత్రి అంత స్వచ్చమైన, పవిత్రమైనదో అంతే చక్కనిది తెలుగువారు ముద్దుగా పిలుచుకునే బన్ని హృదయం. ఇప్పటికే ఇలాంటి అనేక ఉదాహరణలు మనం బన్నీ నుంచి చూశాం. అయితే.. తాజాగా అయన అందుకున్న ఫిల్మ్ ఫేర్ అవార్డు విషయంలోనూ ఆయన అదే ఉదారతను ప్రకటించారు. తనకు దక్కిన పురస్కారాన్ని దివంగత సిపీనటుడు, నట సామ్రాట్ అక్కినేని నాగేశ్వర రావుకు అంకితమిస్తున్నాట్లు ప్రకటించారు.

ఈ విషయాన్ని బన్ని తన ట్విట్టర్ ఖాతా ద్వారా తెలిపాడు. ఇదే అతని స్వచ్చమైన కళా హృదయానికి దర్పణం పడుతుంది. తెలుగు సినివినీలాకాశంలో ధృవతారలా వెలుగుతున్న అక్కినేని వంటి సీనియర్ నటులను తలుచుకుని.. ఆయనకు తన అవార్డును అంకితం చేయడం నిజంగా గ్రేట్ జాబ్. అంతేకాదండీ తననెంతగానో సపోర్ట్ చేసినందుకు రేసుగుర్రం లోని నటీనటులకు యూనిట్ మొత్తానికి, మరీ ముఖ్యంగా చిత్ర దర్శకుడు సురేందర్ రెడ్డికి బన్ని ట్విట్టర్ ద్వారా కృతజ్ఞతలు తెలిపారు.

జి మనోహర్