బాహుబలి తమిళ ఆడియో వచ్చేసిందోచ్!

Posted: 06/26/2015 09:57 AM IST

‘బాహుబలి’ సినిమా విడుదల కోసం ప్రపంచ వ్యాప్తంగా వున్న సినీ అభిమానులంతా కూడా ఎంతగానో ఎదురుచూస్తున్న విషయం తెలిసిందే. టాలీవుడ్ టాప్1 డైరెక్టర్ ఎస్.ఎస్.రాజమౌళి దర్శకత్వంలో తెరకెక్కిన ఈ ప్రతిష్టాత్మక చిత్రాన్ని ఆర్కా మీడియా సంస్థ భారీ బడ్జెట్ తో నిర్మించింది.  ప్రభాస్, రానా, అనుష్క, తమన్నాలు ప్రధాన పాత్రలో నటించారు. రమ్యకృష్ణ, నాజర్, సత్యరాజ్, ప్రభాకర్, అడవి శేష్ లు ముఖ్య పాత్రలలో నటించారు.

కీరవాణి సంగీతం అందించిన ఈ చిత్ర తెలుగు వర్షెన్ ఆడియో ఇప్పటికే బ్లాక్ బస్టర్ హిట్ గా నిలిచింది. తెలుగు ఆడియోకు భారీ స్పందన వస్తుంది. ఈ చిత్రాన్ని తెలుగుతో పాటుగా తమిళం, హిందీ, మలయాళం భాషలలో కూడా విడుదలవుతున్న విషయం తెలిసిందే. అయితే నిన్న ‘బాహుబలి’ తమిళ వర్షెన్ ఆడియోను నేరుగా మార్కెట్లోకి విడుదల చేసారు.

ఈ పాటలకు కూడా తమిళంలో భారీ రెస్పాన్స్ వస్తోంది. ఇప్పటికే తమిళ ట్రైలర్ కూడా దుమ్మురేపుతోంది. ‘బాహుబలి’ తమిళ వర్షెన్ ను స్టూడియో గ్రీన్ సమర్పణలో యువి క్రియేషన్స్ సంస్థ భారీగా విడుదల చేస్తోంది. ఈ చిత్ర తమిళ ఆడియో సాంగ్స్ మీకోసం అందిస్తున్నాం. విని ఆనందించండి.