పాపనాశం థియేటర్ ట్రైలర్ విడుదల

Posted: 05/01/2015 09:35 AM IST

తమిళ అగ్ర స్టార్ నటుడు కమల్ హాసన్, గౌతమి ప్రధాన పాత్రలలో నటిస్తున్న తాజా చిత్రం ‘పాపనాశం’. మలయాళంలో ఘన విజయం సాధించిన ‘దృశ్యం’ చిత్రానికి రీమేక్ ఇది. ఈ మలయాళ ‘దృశ్యం’ చిత్రం తెలుగు, కన్నడ భాషలలో కూడా రీమేక్ అయ్యి, భారీ విజయాన్ని సొంతం చేసుకుంది.

తాజాగా ఈ చిత్రానికి సంబంధించిన ఫస్ట్ లుక్ టీజర్ ను విడుదల చేసారు. ఇదివరకే మలయాళ, కన్నడ, తెలుగు ‘దృశ్యం’ చిత్రాలను చూసిన ప్రేక్షకులకు ఈ ‘పాపనాశం’ చిత్రం అంతగా నచ్చకపోవచ్చు. ఎందుకంటే.. అన్ని సీన్లు దాదాపు ఒకేతరహాలో వున్నట్లుగా అనిపిస్తున్నాయి. కాకపోతే అక్కడక్కడ చిన్న చిన్న మార్పులు చేసి తెరకెక్కించేస్తున్నారు.

ఇక కమల్, గౌతమిల జంట అస్సలు బాగోలేదు. గౌతమి మరీ వయసుమళ్లిన వ్యక్తిలా కనిపిస్తోంది. ఏదేమైనా త్వరలోనే ఈ చిత్రం ప్రేక్షకుల ముందుకు రానుంది. మరి ఈ సినిమా ఎలాంటి విజయం సాధించనుందో త్వరలోనే తెలియనుంది.