బుల్లితెరపై బాంబుల పేలిన ‘పటాస్’!

Posted: 02/03/2015 04:45 PM IST

Pataas movie tv satellite rights zee telugu channel high remuneration

ప్రస్తుత పరిణామాలను చూస్తుంటే.. నందమూరి కళ్యాణ్ రామ్’కు మంచి రోజులు తిరిగి వచ్చినట్లున్నాయి. ‘అతనొక్కడే’ చిత్రం తర్వాత ఆ స్థాయి హిట్ ఒక్కటి దక్కని ఈ హీరోకి.. చాలాకాలం తర్వాత ‘పటాస్’ రూపంలో లభించింది. ఇప్పటివరకు కళ్యాణ్ ఎదుర్కొన్న పరాజయాలన్నింటినీ ఈ ‘పటాస్’ చిత్రం పూడ్చేలా కనిపిస్తోంది. అంతటి ఘనవిజయం సాధించిన ఈ చిత్రం.. ఇప్పటికే లాభాలతో కూడిన భారీ వసూళ్లను రాబట్టింది.

ట్రేడ్ వర్గాల ప్రకారం.. 9 కోట్ల బడ్జెట్’తో నిర్మితమైన ఈ మూవీ కేవలం 10 రోజుల్లోనే 12 కోట్లకుపైగా వసూళ్లు రాబట్టింది. ఇప్పటికీ హౌస్ ఫుల్ కలెక్షన్లతో ఈ చిత్రం రన్ అవుతోంది. దీంతో కళ్యాణ్ కెరీర్’లోనే ఎక్కువగా వసూళ్లు చేసిన చిత్రంగా నిలిచింది. ఇక డిస్ట్రిబ్యూటర్లకు కూడా తమ డబ్బులు వచ్చేయడంతోపాటు లాభాలను ఆర్జిస్తున్నారు. మొత్తానికి టైటిల్’కి తగ్గట్టుగానే ఈ చిత్రం ఇండస్ట్రీలో బాగానే పేలింది. ఇప్పుడు బుల్లితెరపై కూడా బాంబుల పేలిందని సమాచారం!

థియేటర్లలో బాగా పేలిన ఈ చిత్రం.. ఇప్పుడు బుల్లితెర శాటిలైట్స్ కూడా రికార్డ్ స్థాయిలో అమ్ముడుపోయాయని తెలుస్తోంది. బాగా టఫ్’గా జరిగిన కాంపిటీషన్’లో జీ తెలుగువారు ఈ పటాస్ మూవీ శాటిలైట్ రైట్స్’ని సుమారు రూ. 4.3 కోట్లకు సొంతం చేసుకుందని సమాచారం! థియేటర్లలో భారీగా కాసుల వర్షం కురిపించడంతోనే ఈ సినిమా ఇంత బలమొచ్చిందని ట్రేడ్ పండితులు చెబుతున్నారు.

నిజానికి పవన్, మహేష్ లాంటి నెంబర్ వన్ స్టార్ల చిత్రాలే టీవీ శాటిలైట్ రైట్స్ 5 నుంచి 7 కోట్ల మధ్యే అమ్ముడుపోతాయి. ఒకవేళ మూవీ ఫ్లాప్ అయితే.. మరీ దారుణంగా రైట్స్ అమ్ముడుపోతాయి. కానీ.. కళ్యాణ్ రామ్ విషయానికొస్తే ఇంతవరకు ఇతను నటించిన చిత్రాల్లో ఏ ఒక్క మూవీ రైట్స్ 2 కోట్లకుపైగా అమ్ముడుపోలేదు. అలాంటిది ఈసారి రూ.4.3 కోట్లకు అమ్ముడుపోవడంతో అందరూ ఆశ్చర్యాన్ని వ్యక్తం చేస్తున్నారు. ఏదైతేనేం.. కళ్యాణ్ కెరీర్’లోనే ఈ పటాస్ మూవీ భారీ విజయాన్ని అందించిందని అంటున్నారు.