‘పండగలా వచ్చిన’ అసురుడు

Posted: 01/14/2015 04:32 PM IST

Nara rohith s pandagala vachadu first look

సంక్రాంతి పండగకు నారా రోహిత్ డబుల్ ధమాకా గిఫ్ట్ లు అందిస్తున్నాడు. భోగి కానుకగా ముందు రోజు తన లేటెస్ట్ మూవీ ‘అసుర’ టీజర్ ను అందించాడు. సంక్రాంతి కానుకగా ఇవాళ ‘పండగలా వచ్చాడు’ మూవీ ఫస్ట్ లుక్ విడుదల చేశాడు. నారావారి పల్లెలో ఉన్న రోహిత్ అక్కడి నుంచే ఈ ఫోటోను సోషల్ మీడియా ద్వారా విడుదల చేశాడు. ‘అసుర’ టీజర్ యాక్షన్ థ్రిల్లర్ ను తలపించగా.., ఈ సినిమా ఫుల్ టు కామెడిగా ఉంటుందనే అభిప్రాయం కల్గిస్తోంది. గెటప్ చూస్తుంటే మాత్రం ఈ మద్య వచ్చిన ‘కరెంట్ తీగ’లో విష్ణు లుక్ లా ఉంది.

‘యాక్షన్ 3డి’ ఫేం నీలం ఉపాధ్యాయ ఈ సినిమాలో హీరోయిన్ గా నటిస్తోంది. కార్తికేయ ప్రసాద్ అనే కొత్త డైరెక్టర్ ఈ సినిమాను తెరకెక్కిస్తున్నాడు. ప్రస్తుతం షూటింగ్ జరుపుకుంటున్న ఈ ప్రాజెక్టు త్వరలోనే పోస్ట్ ప్రొడక్షన్ పనులకు వెళ్తుందని తెలుస్తోంది. నాగేశ్వర రావు నిర్మాతగా వ్యవహరిస్తుండగా అనూప్ రూబెన్స్ సంగీతం అందిస్తున్నాడు. రాబోయే రెండు సినిమాలు పూర్తి డిఫరెంట్ కాన్సెప్టులతో తెరకెక్కుతున్నాయని రోహిత్ అంటున్నాడు.