మంచు-వర్మ షార్ట్ ఫిలిం విడుదలైందహో....

Posted: 10/08/2014 03:26 PM IST

A day of in the life of lakshmi manchu s feet short film

రామ్ గోపాల్ వర్మ గ్రేట్ మైండ్ లోని ప్రయోగం బయటకు వచ్చింది. కెమెరాను ఎందులో అయినా పెట్టగలిగే రామ్ ఈ సారి కాళ్ళను అందులో పాదాలను మాత్రమే ఫోకస్ చేసి సినిమా తీశాడు. ఆయన తీసిన తొలి షార్ట్ ఫిలిం ‘ ఏ డే ఇన్ ద లైఫ్ ఆఫ్ మంచు లక్ష్మి ఫీట్’ బుధవారం రోజు విడుదల అయింది. దీనికి తెలుగులో అర్ధం ‘మంచు లక్ష్మి జీవితంలో ఒకరోజు ఆమె కాళ్ళు’ ఈ టైటిల్ ఏమిటి అని తలపట్టుకుంటున్నారా.., పేరు ఎంత వెరైటిగా ఉందో.., సినిమా కూడా అంతే వెరైటిగా ఉందట. మూడు నిమిషాలు ఉన్నఈ సినిమాలో ఒక్క మాట అయినా ఉంటే ఒట్టు.

మంచు లక్ష్మి 37వ పుట్టినరోజు సందర్బంగా ఈ సినిమా విడుదల అయింది. సినిమా ఇలా విడుదల అయింది అలా కామెంట్లు టపా..టపా మని వచ్చి పడుతున్నాయి. వర్మ సినిమా.., అందులోనూ తొలి ప్రయోగం. షార్ట్ ఫిలిం చూసి అవి ఏ తరహా కామెంట్లో మీరే ఊహించుకోండి.

కార్తిక్