‘గోన గన్నారెడ్డి ’గా కనిపించ బోతున్నాడు

Posted: 05/31/2014 10:49 AM IST

భారీ బడ్జెట్ తో, భారీ తారాగణంతో సొంత బ్యానర్ లో గుణశేఖర్ దర్శకత్వం వహిస్తున్న హిస్టారిక్ సినిమా ‘రుద్రమ దేవి ’. ఈ సినిమాలో ఇప్పటికే చాలా మంది నటుల్ని తీసుకున్నగుణ ఇప్పుడు అల్లు అర్జున్ ని కూడా తీసుకున్నట్లు చిత్ర యూనిట్ వర్గాల సమాచారం. ఈ సినిమా కీరోల్ గా చెప్పబడే గోన గన్నారెడ్డి పాత్రకు అల్లు అర్జున్ పేరును ఖరారు చేసినట్లు తెలుస్తుంది.

ఈ పాత్ర కోసం చాలా మంది టాలీవుడ్ హీరోల పేర్లు వినిపించాయి. మొదట మహేష్ బాబును సంప్రదించిన గుణశేఖర్ కి అతని నుండి ఎటువంటి సమాధానం రాకపోయేసరికి షూటింగు పూర్తి దశకు చేరుకోవడంతో ఈ పాత్ర కోసం బన్నీని సంప్రదిస్తే వెంటనే ఓకే చెప్పాడని, వీరిద్దరి కాంబినేషన్లో వచ్చిన ‘వరుడు ’ సినిమా ఆ సినిమా అనుకున్న ఫలితాన్ని సాధించకపోయినా, గుణశేఖర్ మీద ఉన్న అభిమానంతోనే బన్నీ ఈ పాత్రను చేయడానికి ఒప్పుకున్నాడని అంటున్నారు.

అర్జున్ ‘గోన గన్నారెడ్డి ’ గా ఎలా ఉండబోతున్నాడో తెలియాలంటే మరికొన్ని రోజులు ఆగాల్సిందే. ఈ సినిమాలో అనుష్క, రాణా లు కీలక పాత్రలు పోషిస్తున్నారు.