ప్రేమలో పడిన మంచు మనోజ్

Posted: 05/20/2014 10:18 AM IST

టాలీవుడ్ ఎనర్జిటిక్ హీరో మంచు మనోజ్ ఏం చేసినా కూడా అతనిలో ఎనర్జీ తగ్గదు. సినిమా సినిమాకు కొత్తదనం చూపించడంలో మనోజ్ ఎప్పుడూ కూడా ముందు ఉంటాడు. అలాంటి ఈ హీరో పుట్టినరోజు నేడు.

తెలుగు సినీపరిశ్రమలో తన వయస్సు వారందరకీ కూడా దాదాపుగా పెళ్లిళ్లు అయ్యాయి. గతకొద్దికాలంగా పెళ్లి విషయం చెప్పకుండా వాయిదాలు వేస్తున్న ఈ కుర్ర హీరో తన పుట్టినరోజు సంధర్భంగా తన మొదటి ప్రేమకథను బయటపెట్టాడు. మనోజ్ తన లవ్ స్టోరీ గురించి చెబుతూ... ‘‘నేను రెండుసార్లు ప్రేమలో పడ్డాను. మొదటి ప్రేమ ఎనిమిదో తరగతి అప్పుడు. ఆ ప్రేమ ఇంటర్ సెకండ్ ఇయర్ వరకు సాగింది. ఒక సంవత్సరం వన్ సైడ్ లవ్ లా సాగింది. ఆ తర్వాత ఆ అమ్మాయి నా ప్రేమకు గ్రీన్ సిగ్నల్ ఇచ్చింది. ఇద్దరం లవ్ లెటర్స్ రాసుకునే వాళ్లం. ఇంటర్ తర్వాత పై చదువుల కోసం ఆమె అమెరికా వెళ్లింది. మా ప్రేమకు అప్పుడే ఫుల్ స్టాప్ పడింది. ఆ తర్వాత కాలేజ్ లో ఇంకో అమ్మాయిని ప్రేమించాను. కానీ అవన్నీ నిజమైన ప్రేమలు కావనీ ఇప్పుడనిపిస్తోంది’’ అని తెలిపాడు.

అసలే పెళ్లి వయసులో ఈ కుర్రోడిపై అటు కుటుంబ సభ్యులు, స్నేహితులతో పాటుగా ఇటు అభిమానులు కూడా మనోజ్ పెళ్లి కోసం ఎదురు చూస్తున్నారు. ప్రస్తుతం చేస్తున్న ‘‘కరెంట్ తీగ’’ సినిమా తర్వాత మనోజ్ కు ఎలాగైనా పెళ్లి చేసేయ్యాలని మంచు కుటుంబం భావిస్తుంది. మరి ఈ మంచు బాబు ఎప్పుడు వరుడుగా మారతాడో చూడాలి.