తెలుగు సీతమ్మ కన్నడలోకి

Posted: 05/07/2014 03:19 PM IST

తెలుగు సీతమ్మగా పేరు తెచ్చుకున్న అంజలి ఇటు టాలీవుడ్ లో, బాలీవుడ్ లో సినిమాలు చేస్తూ బిజీగా ఉంది. గత సంవత్సరం వ్యక్తిగత గొడవల వల్ల పలు సినిమా అవకాశాలు దూరం చేసుకున్న ఈ అమ్మడు ఇప్పుడిప్పుడే మళ్ళీ ట్రాక్ లోకి వస్తుంది. తాజాగా ఈ అమ్మడుకు కన్నడ సినిమా ఇండస్ట్రీలో స్టార్ హీరో అయిన పునీత్ రాజ్ కుమార్ సరసన నటించే ఛాన్స్ దక్కించుకుంది.

రాజ్ కిరణ్ ప్రధాన పాత్రగా కన్నడ లో వస్తున్న ఓ కామెడీ హారర్ చిత్రంలో అంజలి హీరోయిన్ గా తీసుకున్నారు. పవన్ వాడేయార్ దర్శకత్వం వహిస్తున్న ఈ సినిమాకు ‘‘ధీర రానా విక్రమ ’’ గా టైటిల్ ఖరారు చేశారు. పూర్తి మాస్ ఎంటర్టైనర్ గా తెరకెక్కుతున్న ఈ చిత్రం త్వరలోనే షూటింగ్ జరుపుకోనుంది. పవన్ వాడేయార్ తెలుగులో ఇటీవల ‘పోటుగాడు ’ సినిమాకు దర్శకత్వం వహించాడు. తెలుగు పరిశ్రమ అచ్చొచ్చినంతగా కన్నడ చిత్ర పరిశ్రమ అంజలీకి విజయాల రుచి చూస్తుందేమో వేచిచూడాలి.