నా సీన్లు అవి కావు : సంజనా

Posted: 04/19/2014 06:14 PM IST

టాలీవుఢ్ లో ప్రభాస్ నటించిన ‘బుజ్జిగాడు ’ మేడిన్ చెన్నయ్ సినిమాలో సెకండ్ హీరోయిన్ గా నటించిన కన్నడ భామ సంజన తెలుగు వారికి కూడా సుపరిచితమే. తెలుగులో అడపా దడపా సినిమాలు చేసిన ఈ అమ్మడు తాజాగా శాండల్ వుడ్ హీరో జగ్గేష్ తో కలిసి ‘అగ్రజ ’ అనే కన్నడ సినిమాలో నటించింది. ఈ సినిమాలో కొన్ని మసాలా సీన్లు ఉన్నాయి. ఈ సన్నివేశాల పై పెద్ద వివాదమే స్రుష్టించింది సంజనా. ఈ సినిమాలోని కొన్ని అశ్లీల సన్నివేశాల్లో ఉన్నది తానే అన్నట్లుగా చిత్రీకరించారని, అయితే ఆ సన్నివేశాల్లో ఉన్నది తాను కాదని సంజన ఆరోపిస్తోంది.

వేరొకరితో ఆ సన్నివేశాలు చిత్రీకరించి, అందులో ఉన్నది తానేనన్నట్లుగా చూపించడం ఎంతగానో బాధించిందంటూ తన ట్విట్టర్ అకౌంట్‌లో సంజన పేర్కొన్నారు. అయినా అడిగినంత రెమ్యునరేషన్ ఇచ్చినప్పుడు దర్శకుడు ఎలా చెబితే అలా చేయాలని, ఒప్పందం ప్రకారమే ఆ సీన్లు చిత్రీకరించామని, ఇప్పుడు కావాలనే సంజన వివాదం స్రుష్టిస్తుందని సదరు నిర్మాత అంటున్నారు.