బాలయ్య కెరియర్లో అరుదైన రికార్డు

Posted: 04/17/2014 02:56 PM IST

Balakrishna legend movie join the 50 crore club

నందమూరి నట సింహం బాలయ్యకు ఈ సంవత్సం బాగా కలిసి వచ్చింది. బోయపాటి శీను - బాలయ్య కాంబినేషనల్లో వచ్చిన లెజెండ్ సినిమా భారీ విజయాన్ని సాధించడమే కాకుండా, నందమూరి వంశంలో ఇంత వరకు ఏ హీరో సాధించని అరుదైన రికార్డును సొంతం చేసుకుంది. తొలి వారంలోనే తొలివారంలోనే 33 కోట్ల రూపాయల కలెక్షన్లు సాధించి రికార్డ్‌ క్రియేట్ చేసిన ఈ సినిమా అందరి అంచనాలను నిజం చేస్తూ యాభై కోట్ల కబ్బు మార్కును దాటింది.

నందమూరి నటసింహం బాలకృష్ణ అభినయం, ఆయన పలికిన సంభాషణలు, బోయపాటి శ్రీను దర్శకత్వ ప్రతిభ ఈ సినిమా విజయానికి తొడయ్యాయి. బాలకృష్ణ నుంచి అభిమానులు ఆశించే అంశాలన్నీ ఇందులో ఉండడంతో, ప్రేక్షకులు దీనికి బ్రహ్మరథం పడుతున్నారు. గత కొంత కాలంగా సరైన హిట్టు లేక అల్లాడుతున్న పరిశ్రమకు ఈ సినిమా విజయం ఊరటనిచ్చింది.

వారాహి చలనచిత్రం మరియు 14 రీల్స్‌ ఎంటర్‌టైన్‌మెంట్స్‌ సంయుక్తంగా తెరకెక్కిన ఈ సినిమాకు దేవీ శ్రీ ప్రసాద్ అద్బుతమైన సంగీతాన్ని ఇచ్చారు. మొత్తానికి బాలయ్య సినిమా యాభై కోట్ల క్లబ్బులో చేరడంతో ఆయన అభిమానులు ఆనందంలో మునిగితేలుతున్నారు.