మారుతికి స్ట్రాంగ్ వార్నింగ్ పడింది ?

Posted: 02/03/2014 11:27 AM IST

చిన్న చిన్న చిత్రాలు తీసి, మంచి హిట్లు కొడుతూ అనతి కాలంలోనే పెద్ద బ్యానర్లో సినిమాలు తీసే అవకాశం దక్కించుకున్న మారుతి ప్రస్తుతం గీతా ఆర్ట్స్ బ్యానర్లో అల్లు శిరీష్ తో ‘కొత్త జంట ’ సినిమాను తెరకెక్కిస్తున్నాడు. ఈ సినిమా షూటింగు పూర్తి చేసుకోవడంతో,  ఈ నెల 14వ తేదీన ప్రేక్షకుల ముందుకు తీసుకొని రావాలని అనుకున్నారు. కానీ ఇప్పుడు ఈ సినిమా మార్చికి వాయిదా పడినట్లు సమాచారం.

కారణం ఏంటంటే.... ఈ సినిమాలో దర్శకుడు మారుతి తాను నమ్ముకున్న బూతును ఇందులో ఎక్కువగా దట్టించడంతో నిర్మాత అల్లు అరవింద్ ఈ సన్నివేశాల పై, డబుల్ మీనింగ్ డైలాగుల పై అభ్యంతరం వ్యక్తం చేయడమే కాకుండా, కొన్ని సన్నివేశాలను కూడా రీ షూట్ చేయమని గట్టిగా వార్నింగ్ ఇచ్చాడట. . దాంతో ఆయన సూచన మేర కొంత భాగం మళ్లీ షూట్ చేస్తున్నారట. మొదటి నుండి ఎలాంటి అశ్లీలం ఉండదని చెప్పుకొచ్చిన మారుతి ఇప్పుడు సినిమాను ఇలా బూతు మయం చేసి కూర్చోవడంతో అరవింద్ ఆవేశంతో ఊగిపోతున్నాడట. ఇక ఈ సినిమాలో అల్లు శిరీష్ సరసన రెజీనా కథా నాయికగా నటిస్తుంది.