మళ్ళీ వాయిదా పడిన పవన్ సినిమా

Posted: 01/22/2014 10:12 AM IST

పవర్ స్టార్ పవన్ కళ్యాణ్ ఇటీవల నటించిన ‘అత్తారింటికి దారేది ’ సినిమా సెట్స్ పై ఉండగానే  ‘గబ్బర్ సింగ్ -2’ సినిమాకు గ్రీన్ సిగ్నల్ ఇచ్చేసి, దానికి సంబంధించిన గ్రౌండ్ వర్క్ అంతా చేయమని చెప్పాడు. ‘అత్తారింటికి ’ విడుదల తరువాత ఈ సినిమా సెట్స్ పైకి వెళుతుందని అంతా భావించారు.

కానీ ఆ సినిమా విడుదల అయ్యి నాలుగు నెలల సమయం గడిచినా ‘గబ్బర్ సింగ్ -2’ సెట్స్ పైకి వెళ్ళలేదు. గత కొన్ని రోజుల నుండి ఇదిగో అదిగో అంటూ ఊరిస్తూ వస్తున్నారు. ఇటీవల ఫిబ్రవరిలో సెట్స్ పైకి వెళుతుందని అన్నారు. కానీ ఇప్పుడని ఇంకాస్త వెనక్కి వెళ్లినట్లు సమాచారం. ఇప్పటి వరకు కథానాయిక ఎంపిక పూర్తి కాలేదు.

ఈ కారణం చేతనే ఈ సినిమాను వాయిదా వేస్తున్నట్లు చెబుతున్నారు. కారణాలు ఏమైనా పవన్ ఈ సినిమాకు ఇంత టైం తీసుకోవడం చూస్తుంటే దర్శకుడి పై పూర్తి నమ్మకం లేకనే వాయిదా వేస్తూ వస్తున్నాడనే ప్రచారం మొదలైంది. అన్నీ సవ్యంగా జరిగితే మార్చిలో సెట్స్ పైకి వెళుతుందని చెబుతున్నా, అది జరిగినప్పుడు చూద్దాం అంటున్నారు సినీ జనాలు.