సంగీత దర్శకుడ్ని ఆకాశానికెత్తేస్తున్నాడు

Posted: 08/09/2013 06:29 PM IST

సినిమా హీరోలు తన సినిమాకు పనిచేస్తున్న సంగీత దర్శకులను పొగడ్తలను ముంచెత్తుతుంటారు. ఆడియోకి ముందు వారిని ఆకాశానికెత్తడం, సినిమా తరువాత ఎత్తేయడం వీరికి వెన్నతో పెట్టిన విద్య. ఇఫ్పుడు అల్లు అర్జున్ కూడా అలాంటి పనే చేస్తున్నాడు. ఈ స్టైలిష్ స్టార్ ప్రస్తుతం సురేందర్ రెడ్డి దర్శకత్వంలో ‘రేసు గుర్రం ’ సినిమాలో నటిస్తున్నాడు. ఈ సినిమాకు మ్యూజిక్ అందిస్తున్న ఎస్.ఎస్. థమన్ తన సినిమాకు అందిస్తున్న పాటల పై తన అభిప్రాయాన్ని చెప్పాడు.  ‘రేసు గుర్రం ’ కోసం థమన్ సాంగ్స్ ఎక్సలెంటుగా ఇచ్చాడని, ఈ సినిమా ఆడియో ఎప్పుడు విడుదల అవుతుందా అని ఎదురుచూస్తున్నాను అని సోషల్ నెట్ వర్కింగ్ సైట్లో ట్వీటాడు. కిక్ సినిమాతో ఫేమస్ అయిన దర్శకుడు సురేందర్ రెడ్డి ‘ఊసరవెల్లి ’ తో బోల్తా పడ్డాడు. ఎలాగైనా ఈ చిత్రాన్ని హిట్ కొట్టాలనే తపనతో ఉన్నాడు. శ్రుతి హాసన్ జంటగా నటిస్తున్న ఈ చిత్రాన్ని నల్లమలపు శ్రీనివాస్ (బుజ్జీ) నిర్మిస్తున్నాడు. ఈ సినిమాలో బన్నీ బైక్ రేసర్ గా కొత్తగా కనిపించబోతున్నాడని సమాచారం. మరి థమన్ ని అల్లు అర్జున్ నిజంగానే మెచ్చుకున్నాడో లేదో తెలియాలంటే... ఆడియో రిలీజ్ అయ్యేవరకు ఆగాల్సిందే.