‘తుఫాన్ ’ ఆడియో ఆగస్టులో

Posted: 07/24/2013 06:02 PM IST

మెగా అభిమానులకు ఈ మధ్య కాలంలో వరుస పండగలు (రంజాన్, దసరా, దీపావళి)  సీజన్ల లాగా సినిమా పండగలు వచ్చేస్తున్నాయి. మరో వారం రోజుల్లో ‘ఎవడు ’ ఆ తరువాత వారానికి  ‘అత్తారింటికి దారేది ’ ఆ తరువాత వారం రామ్ చరణ్ నటించిన హిందీ రీమేక్ చిత్రం ‘జంజీర్ ’ తెలుగు వెర్షన్ (తుఫాన్ ) సినిమా ఆడియో వేడుక నిర్వహించడానికి సన్నాహాలు చేస్తున్నారు. ప్రస్తుతం షూటింగు పూర్తి చేసుకొని పోస్ట్ ప్రొడక్షన్ కార్యక్రమాలు జరుపుకుంటున్న ఈ సినిమా ఇప్పటికే ఎప్పుడో విడుదల కావాల్సిన ఈ చిత్రం కొన్ని కారణాల వల్ల విడుదల కాలేదు.  ఇటీవలే ఈ చిత్రానికి ఉన్న అన్ని సమస్యలు తొలగిపోవడంతో చిత్ర దర్శక నిర్మాతలు హైదరాబాదులో ఈ పాటల వేడుక అభిమానుల సమక్షంలో ఘనంగా నిర్వహించబోతున్నారు. చరణ్, ప్రియాంకా చోప్రా జంటగా నటిస్తున్న ఈ చిత్రం హిందీ, తెలుగు, మలయాళ వెర్షన్లను సెప్టెంబర్ 6న భారీ ఎత్తున రిలీజ్ చేయడానికి ఏర్పాట్లు చేస్తున్నారు. ఈ సినిమా కథ నేపధ్యానికి తగ్గట్లుగానే ఈ సినిమాకు ‘తుఫాన్ ’ అని పేరు పెట్టినట్లు తెలిపారు. తుఫాన్ ప్రభావం ఎలా ఉంటుందో ఈ సినిమా కూడా అదే రేంజ్ లో ఉంటుందని అంటున్నారు.