Posted: 03/21/2013 02:58 PM IST

డైలాగ్ కింగ్ మోహన్ బాబు కూతురు వెండి తెర పై నటిగా, నిర్మాతగా దూసుకుపోతున్న విషయం తెలిసిందే. ఈమె ఇటీవల నటించి, నిర్మించిన ‘గుండెల్లో గోదావరి ’ చిత్రం ఇటీవలే విడుదల అయిన సంగతి తెలిసిందే. తెలుగు మిక్స్ డ్ టాక్ తెచ్చుకున్న ఈ చిత్రాన్ని తమిళ్ వెర్షన్లో 'మరంతన్ మణిత్తన్' పేరుతో ఈ 22న విడుదల చేస్తున్నారు. ఈ సందర్భంగా తమిళ సూపర్ స్టార్ రజనీకాంత్ కోసం ప్రత్యేక ప్రదర్శన ఏర్పాటు చేసిందట లక్ష్మీ. ఈ చిత్రాన్ని ప్రత్యేకంగా చూసిన రజినీ లక్ష్మి నటన, పని తనాన్ని తెగ మెచ్చుకున్నాడట. ఈ సినిమాలోని నటన సహజత్వాన్ని రజినీ బాగా మెచ్చుకున్నాడని చెబుతూ మెళికలు తిరిగిపోతుందట. రజినీ ప్రశంస తరువాత ఈ సినిమా అక్కడ కూడా సూపర్ హిట్ అవుతుందనే నమ్మకం ఏర్పడిందని లక్ష్మీ అంటుంది. అయితే సినీ జనాలు మాత్రం కేవలం హైప్ కోసమే ఇలా ప్రచారం చేసుకుంటుందని, తెలుగులో అంతంత మాత్రంగానే ఆడిన ఈ సినిమా అక్కడ ఏ విధంగా ఆడుతుందో చూడాలి అంటున్నారు.