Posted: 02/20/2013 08:27 PM IST

పవర్ స్టార్ పవన్ కళ్యాణ్ ‘రచ్చ ’ దర్శకుడు సంపత్ నంది దర్శకత్వంతో ఓ సినిమా చేయబోతున్నాడనే వార్తలు వచ్చిన విషయం తెలిసిందే. ఈ సినిమాకి ‘చోటా మేస్త్రీ ’ అనే టైటిల్ కూడా ఖరారు చేశారని అంటున్నారు. అయితే ఇంత వరకు దీని పై ఏవిధమైన అధికార ప్రకటన రాలేదు. తాజాగా ఈ సినిమాకి సంబంధించి మరో వార్త బయటకి వచ్చింది. సంపత్ నంది దర్శకత్వం వహించబోయే ఈ సినిమాని శరత్ మరార్ నిర్మించబోతున్నాడని వార్తలు. ఈయన గతంలో ఏ సినిమాలకు ప్రొడ్యూసర్ గా చేయలేదు కానీ, మా టీవీకి ఈయన సీఈఓ గా చేసినప్పుడు పవన్ కళ్యాణ్ ఈయనకు మాట ఇచ్చినందు వల్లే ఆ మాటను నిలబెట్టుకునేందుకు ఈ సినిమాను ఆయనకు ఇచ్చినట్లు సినిమా వర్గాల సమాచారం. అయితే దీనికి సంబంధించిన అధికారిక ప్రకటన వెలువడాల్సి ఉంది.