Posted: 12/30/2012 05:47 PM IST

      కమల్ హాసన్ 'విశ్వరూపం' సినిమాను డీటీహెచ్ ద్వారా ప్రదర్శించుట గురించి చేస్తోన్న సన్నాహాల పై తమిళనాడు సినిమా థియేటర్స్ అసోసియేషన్ మండిపడింది. కమల్ ఆ ఆలోచనను ఉపసంహరించుకోకుంటే ఈ సినిమానే కాదు.. ఆయన నటించిన పాత సినిమాలను సైతం ఇకపై థియేటర్లలో ప్రదర్శించబోమని హెచ్చరించింది. 'విశ్వరూపం' సినిమాను జనవరి 10న డీటీహెచ్ ద్వారా ప్రదర్శించాలని కమల్‌హాసన్ నిశ్చయించిన సంగతి తెలిసిందే.
    కాగా,  ఈ సరికొత్త విధానంపై అటు చిత్రపరిశ్రమ, ఇటు ప్రేక్షకులు ఆది నుంచీ ఆసక్తి చూపుతున్నారు. అయితే థియేటర్ల యజమానులు మాత్రం మొదట్నుంచీ ఈ ప్రతిపాదనపై మండిపడుతున్నారు. ఇలా చేయడం వల్ల సినిమాహాల్లు మూతపడతాయి కాబట్టి, ఈ ఆలోచనను ఉపసంహరించుకోవాల్సిందిగా వారు కోరుతున్నారు.

....avnk