Posted: 11/28/2012 05:18 PM IST

టాలీవుడ్ నిర్మాత, దర్శకుడు అయిన ఎం.ఎస్. రాజు తాజాగా రంభ ఊర్వసి మేనక (ఆర్ యు ఎమ్) అనే సినిమాని నిర్మిస్తున్న విషయం తెలిసిందే. ఆ సినిమా లేడీ ఓరియెంటెడ్ సినిమాగా రూపు దిద్దు కోబోతుంది. ఈ చిత్రంలో ప్రధాన  కథానాయికగా త్రిషను ఎంపిక చేశారు. మిగతా ఇద్దరిలో ఒక్కరిగా 'అవును' ఫేం పూర్ణ ఇప్పటికే సెలెక్ట్ అవగా, తాజాగా మరో కథానాయిక పాత్రకు హీరోయిన్ అర్చనను తీసుకున్నట్లు సమాచారం. గత కొన్ని రోజులుగా అవకాశాలు లేకుండా ఉన్న అర్చనను ఈ అవకాశం వరించడం ఆమెకు మంచి అవకాశంగా చెప్పవచ్చు. కథానాయిక ప్రధాన చిత్రంగా రూపొందే ఈ చిత్రం కోసం 'రమ్' (RUM) అనే టైటిల్ని నిర్మాత ఫిలిం చాంబర్లో ఇప్పటికే రిజిస్టర్ చేశారు. ఇటీవలి కాలంలో వరుస ఫ్లాపులతో సతమతమవుతున్న ఎమ్మెస్ రాజుకి ఈ సినిమా విజయం ఎంతో కీలకం. మరి ఈ రమ్ చిత్రం ప్రేక్షకులను మత్తెక్కిస్తుందో లేదో చూడాలి.