Posted: 07/27/2012 03:51 PM IST

       ఈగ ఇప్పుడు ఎన్నోపనులు చేసేస్తోంది. ఒకపక్కన అల్టిమేట్ రివెంజ్ తీర్చుకుంటూనే అదే చేత్తో సాయం చేస్తుందికూడా.. విషయం ఏమంటే.. 'ఈగ' సినిమా చూసిన వాళ్లకి అందులో సమంతా వర్క్ చేసిన 'ప్రాజెక్ట్ 511' అనే సంస్థ పేరు తెలిసే ఉంటుంది. ఈ సంస్థ సినిమా కోసం క్రియేట్ చేసినది కాదు. హైదరాబాద్ - రంగారెడ్డి జిల్లాలలో నిజంగానే ఇది నిర్వహించబడుతోంది. కనీస వసతులు లేని 511 పాఠశాలలను తీసుకుని, విరాళాల ద్వారా ఆ పాఠశాలలకి సౌకర్యాలను కల్పించడం జరుగుతుంటుంది. సమాజానికి ఉపయోగకరంగా ఉండే ఈ కాన్సెప్ట్ ను ప్రోత్సాహించాలనే ఉద్దేశంతో రాజమౌళి దానిని 'ఈగ' సినిమాలో చూపించారు. ఈ సినిమా లాభాల బాటలో నడిస్తే, ఈ విద్యా సంస్థలకి అవసరమైన వాహన సౌకర్యాన్ని కల్పించాలని అనుకున్నారు. ఇప్పుడు ఈ సినిమా సక్సెస్ ఫుల్ గా సాగిపోతుండటంతో, నిర్మాతలతో కలిసి ఈ సంస్థకి 22 లక్షల విరాళాన్ని అందించారు. ఈ సమయంలోనే రోటరీ క్లబ్ వారు కూడా ఈ స్వచ్చంద సంస్థకి తమవంతు సాయాన్ని అందించారు. పోతే, హిందీలో విడుదల చేయనున్న 'ఈగ' చిత్రంలో అభిషేక్ బచ్చన్ నటించడంలేదనీ ఉన్నదున్నట్టు గానే హిందీలోకి డబ్ చేస్తున్నామని రాజమౌళి చెప్పారు. త్వరలోనే ఈ సినిమా అక్కడ 'మక్కీ'పేరుతో విడుదల అవుతుందని అన్నారు. ఇదండీ ఈగ చేసిన సాయం..

..avnk