Posted: 06/23/2012 01:53 PM IST

అదిరి పోయే కాంబినేషన్ ఒకటి సంభవించబోతోందని బాలీవుడ్ లో వార్తలు వినిపిస్తున్నాయి. ఇవి కార్యరూపం దాలిస్తే అదొక భారత చలన చిత్ర చరిత్రలోనే ఒక సంచలన చిత్రంగా నిలిచిపోతుందనడంలో ఎటువంటి సందేహం ఉండదు. ఆమీర్ ఖాన్- రజనీకాంత్ లు కలిసి ధూమ్ -3 నటించబోతున్నారని బాలీవుడ్ సమాచారం. రజనీ కాంత్ హిందీలో ఇది వరకూ అనేక సినిమాలు చేశాడు. అమితాబ్ , శత్రఘ్న సిన్హ వంటి స్టార్ హీరోలతో మల్టీ స్టారర్ సినిమాల్లో కనిపించాడు. అవన్నీ ఒక ఎత్తు అయితే ఇప్పటికే అనేక సంచలనాలు నమోదు చేసి ధూమ్ సినిమాకు రెండో సీక్వెల్ గా యాష్ రాజ్ ఫిలిమ్స్ తీసుకురాబోతున్న ధూమ్ -3 లో రజనీకాంత్ నటించబోతున్నాడు అని సిని వర్గాల్లో పెద్ద దుమారాన్నే రేపుతోంది.

ఇప్పటికే ఈ సినిమాలో ఆమీర్ ఖాన్ నటించబోతున్న విషయం తెలిసిందే. ఈ సినిమాలో తనతో పాటు నటించమని ఆమీర్ ప్రత్యేకంగా సూపర్ స్టార్ ను రిక్వస్ట్ చేశాడని అంటున్నారు. ఈ విషయంలో నిర్మాతలను వాకబు చేస్తే వారు కూడా అవుననే అన్నారు. రజనీతో కలిసి నటించడానికి ఆమీర్ చాలా ఆసక్తితో ఉన్నాడని, దీనికి రజనీ గ్రీన్ సిగ్నల్ ఇస్తే వెనువెంటనే ధూమ్ -3 సెట్స్ పై కి వెళ్తుందని అంటున్నారు. అటు రజనీ కాంత్ కు, ఆమీర్ ఖాన్ కు దేశ విదేశాల్లో ఉన్న క్రేజ్ నేపథ్యంలో వీరిద్దరూ ధూమ్ -3 వంటి స్టైలిష్ ప్రాజెక్టు చేస్తే బాక్సాఫీసు బద్దలు కావడం ఖాయం!