నరేంద్ర మోడీ ఓ నియంత

Posted: 03/11/2014 09:52 PM IST

కాంగ్రెస్ పార్టీ ఉపాధ్యక్షుడు రాహుల్ గాంధీ బీజేపీ పార్టీ ప్రధాని అభ్యర్థి నరేంద్ర మోడీ పై తీవ్ర స్థాయిలో సమయం దొరికినప్పుడల్లా విరుచుకు పడుతున్నాడు. కాంగ్రెస్ పార్టీ మళ్ళీ అధికారంలోకి రాదని భయమో, లేక నమోకి జనాల్లో వస్తున్న రెస్పాన్స్ ను చూసే కానీ రాహుల్ తన నోటికి వచ్చినట్లు విమర్శలు చేస్తున్నాడు. నేడు గుజరాత్ లో జరిగిన ఎన్నికల ప్రచార సభలో మాట్లాడుతూ... మోడీ నాజీ నియంత అడాల్ఫ్ హిట్లర్ వంటి వాడని, అలాంటి వారు దేశంలో అవినీతి జరగకుండా కాపలా దారుడిగా ఉండాల్సిన అవసరం లేదని ఉన్నారు.

కాంగ్రెస్ పార్టీ ఎప్పటికీ ఆర్ఎస్ఎస్, బీజేపీ నాయకుల సిద్ధాంతాలను పాటించదని అన్నారు. రెండు రకాల నాయకులున్నారని, గాంధీజీ వంటి మొదటి రకం నాయకులు ప్రజల మధ్యకు వెళ్లి వారి సమస్యలు, అవసరాలను తెలుసుకుంటారని రాహుల్ చెప్పారు. ఇక హిట్లర్ వంటి రెండో రకం నాయకులు ప్రజల వద్దకు వెళ్లరని, ప్రపంచమంతా తమకు మాత్రమే తెలుసనే గర్వంతో ఉంటారని అన్నారు.