విషాదంలో త్రిష ?

Posted: 12/10/2013 06:52 PM IST

చెన్నైబ్యూటి త్రిష ఇప్పుడు విషాదంలో ఉందని కోలీవుడ్ వర్గాలు అంటున్నాయి. త్రిష ఆమె ప్రియ నేస్తం మరణంతో త్రిష అత్యంత విషాంలో ఉన్నట్లు సమాచారం. తన ప్రియ నేస్తం లేకపోవటంతో నరక యాతన పడుతోందని ఆమె కుటుంబ సభ్యులు అంటున్నారు. ఇంతకీ ఈమె పడుతున్న బాధను చూసి అందరు చలించిపోతున్నారు. త్రిష ఎంత ప్రాణంగా పెంచుకున్న కుక్క పిల్ల మరణించింది. దాంతో త్రిష చాలా బాధపడుతుంది. అంతేకాదండోయ్ .. ఆ కుక్కపిల్లకు త్రిష ఒక మంచి పేరు కూడా పెట్టింది. ఆ కుక్కపిల్ల పేరు క్యాడ్బరీ, త్రిష ముద్దుగా క్యాడు అని పిలుచుకుంటుంది.

 

కాడ్బరీ మరణంతో త్రిష చాలా అప్ సెట్ అయినట్లు సమాచారం. నువ్వు లేకుండా ఇకపై ఎలా ఉండాలో తెలియడం లేదు క్యాడు, నువ్వులేని లోటు ఎవరు తీర్చలేరు.. అంటూ ట్విట్టర్ ద్వారా తన బాధను అభిమానులతో పంచుకుంది. ఆకుక్క పిల్లపై ఉన్న ప్రేమను త్రిష చాటుకుంది. క్యాడ్బరీ అంటే త్రిషకకు ఎంత ప్రేమంటే, ఎంత బీజీ షెడ్యూల్ ఉన్నా కూడా దాన్ని కంటికి రెప్పలా చూసుకుంటుందని ఆమె సన్నిహితులు చెబుతుంటారు. త్రిషకు మూగ జీవాలంటే చాలా ఇష్టం. అందుకే పెటా తరపున వాటి సంరక్షణ కోసం ప్రచారం చేస్తోంది. త్రిష విషాదంలో ఉండగానే మంచి ఆఫర్ వచింది. తెలుగులో అవకాశాలు లేక ఇబ్బందిపడుతున్న త్రిషకు కన్నడ రంగం నుంచి మంచి ఆఫర్ వచ్చింది.

 

మహేష్ బాబు, సమంతా జంటగా శ్రీను వైట్ల రూపొందించిన 'దూకుడు' సినిమాను ఇప్పుడు కన్నడలోకి రీమేక్ చేస్తున్నారు. అక్కడ పవన్ స్టార్ గా పేరుతెచ్చుకున్న పునీత్ రాజ్ కుమార్ ఇందులో హీరోగా నటిస్తున్నాడు. తెలుగులో ఈ చిత్రాన్ని నిర్మించిన 14 రీల్స్ ఎంటర్ టైన్ మెంట్స్ సంస్థ కన్నడలో దీనిని నిర్మిస్తోంది. ఇందులో కథానాయికగా తాజాగా త్రిషను ఎంచుకున్నట్టు సమాచారం. ఇందులో నటించడానికి త్రిష కూడా తన సమ్మతి తెలిపిందట. ఒకపక్క విషాదం , మరోపక్క ఆనందం.. రెండు ఒకేసారి కలిసి వస్తే ఎలా ఉంటుందో ఊహించుకోండి. ఇప్పుడు త్రిష పరిస్థితి కూడా అలాగే ఉందని ఆమె కుటుంబ సభ్యులు అంటున్నారు.