విజయం మాదే : రాహుల్ గాంధీ

Posted: 12/04/2013 08:23 PM IST

Talks with rahul gandhi at polling booth

కాంగ్రెస్ పార్టీ అధినేత్రి సోనియా గాంధీ, తనయుడు రాహుల్ గాంధీ చాలా ఆనందంగా ఉన్నారు. ఢిల్లీ ఎన్నికలలో కాంగ్రెస్ పార్టీ నాలుగోసారి విజయం సాధిస్తుందని ఏఐసీసీ ఉపాధ్యక్షుడు రాహుల్ గాంధీ ధీమా వ్యక్తం చేశారు. ఈరోజు తన ఓటు హక్కును వినియోగించుకున్న అనంతరం రాహుల్ మాట్లాడుతూ ఢిల్లీ ముఖ్యమంత్రి షీలా దీక్షిత్‌పై ప్రశంసలు వర్షం కురిపించారు. రాజధానిని బాగా అభివృద్ధి చేశారని, ఆమె విజయం సాధిస్తుందని రాహుల్ పేర్కొన్నారు. ఢిల్లీలో నరేంద్ర మోదీ ప్యాక్టర్ పనిచేయదని షీలా దీక్షిత్ వ్యాఖ్యానించారు.

ఢిల్లీ అసెంబ్లీ ఎన్నికలకు పోలింగ్ ఈరోజు ఉదయం ఎనిమిది గంటలకు ప్రారంభమైంది. సాయంత్రం ఐదు గంటల వరకు పోలింగ్ కొనసాగుతోంది. ఢిల్లీలో త్రిముఖ పోటీ ఉన్న విషయం తెలిసిందే. ఇన్నాళ్లు కాంగ్రెసు, బిజెపిలు ఉండగా కొత్తగా అరవింద్ కేజ్రీవాల్ స్థాపించిన ఆమ్ ఆద్మీ పార్టీ ధీటుగా నిలబడింది. ఎన్నికల్లో తాము విజయం సాధిస్తామని కేజ్రీవాల్ చెబుతున్నారు.

అయితే ఆమ్ ఆద్మీ పార్టీ గెలవకపోయినా కాంగ్రెసు, బిజెపిల విజయావకాశాలను మాత్రం దెబ్బతీయనుంది. ఢిల్లీలో 1.19 కోట్ల మంది ఓటర్లు ఈరోజు తమ ఓటు హక్కును వినియోగించుకోనున్నారు. మొత్తం 70 అసెంబ్లీ నియోజకవర్గాల్లో 810 మంది అభ్యర్థులు పోటీలో ఉన్నారు. కాంగ్రెసు నుండి షీలా దీక్షిత్, బిజెపి నుండి హర్షవర్దన్, ఆమ్ ఆద్మీ నుండి కేజ్రీవాల్‌లు ముఖ్యమంత్రి రేసులో ఉన్నారు.