ఆరునెలల్లో స్వచ్చమైన టీ ఇస్తాం?

Posted: 08/01/2013 06:33 PM IST

ప్రక్రియ పూర్తి అయ్యింది. కానీ మరో ఆరు నెలలు తరువాత స్వచ్చమైన టీ ఇస్తాం కేంద్రం హోంశాఖ మంత్రి సుశీల్ కుమార్ షిండే సూచించారు. ఆరు నెలల్లో ప్రక్రియ పూర్తి అయిపోతుందని, తదుపరి తెలంగాణ ఆవిర్భావం జరుగుతుందని ఆయనచెప్పారు. అసెంబ్లీ తీర్మానం ఎలా ఉన్నా తెలంగాణ ఏర్పాటు మాత్రం ఖాయం అని షిండే గట్టిగానే చెప్పారు. కాంగ్రెస్ వర్కింగ్ కమిటీ తీర్మానం కేంద్రానికి పంపిందని ఆయన చెప్పారు. విదర్భ రాష్ట్రం ఏర్పాటు గురించి అడిగిన ప్రశ్నకు సమాధానం చెబుతూ విదర్భ కన్నా తెలంగాణ ముందు నుంచి ఉందని అన్నారు. ఇతర రాష్ట్రాల డిమాండ్లు వేరు, తెలంగాణ వేరు అని ఆయన స్పష్టం చేశారు. ఎక్కడైనా ప్రజలు ఆందోళన చేయడం సహజమేనని, కాని ప్రశాంతంగా సాగాలని ఆయన కోరారు. తెలంగాణపై కేంద్ర మంత్రివర్గం ఆమోదం తెలిపిన తర్వాత రాష్ట్రపతికి పంపుతామని ఆయన అన్నారు. సీమాంధ్ర నుంచి రాజీనామాల గురించి మీడియా మిత్రులు ప్రస్తావించగా ప్రశాంతంగా ఆందోళన చేసుకోవచ్చని అన్నారు. గతంలో భాషప్రయుక్త రాష్ట్రాలు ప్రాతిపదికగా ఉండగా, ఇప్పుడు కొత్త రాష్ట్రాల ఏర్పాటుకు మిగిలిన కారణాలు ఉన్నాయని అన్నారు. ఇక హైదరాబాద్ ఉమ్మడి రాజధానిగా పదేళ్లు ఉంటుందని అన్నారు. అయితే గత అఖిల పక్ష సమావేశం గురించి ప్రస్తావించిన ఆయన ఆ సమావేశంలో రెండు పార్టీలు తప్ప అంతా ఏకాభిప్రాయం ఉందని చెప్పారు. మరి వ్యతిరేకించిన ఆ రెండు పార్టీలు ఏవో చెప్పడానికి మాత్రం ఇష్టపడడం లేదు.