శ్రీశాంత్ ప్రశాంతంగా కుమ్మేసాడు?

Posted: 06/12/2013 08:12 PM IST

సెలబ్రిటీ హోదాలో జైలుకు వెళ్లినప్పటికి, అతనికి సాధారణ ఖైదీ జీవితం అనుభవించాడు. అతని చిక్కుకున్న కేసు ఐపీఎల్ స్పాట్ ఫిక్సింగ్ కేసు కావటంతో. జైలు అధికారులు అతనికి సెలబ్రిటి హోదా ఇవ్వలేకపోయారు. జైల్లో ఉపవాసం చేశాడు. మూడు వారాల పాటు .. జైలు జీవితం అనుభవించి బైలు మీద బైటకు వచ్చిన శ్రీశాంత్ స్వేచ్చ వాయువులను పీల్చుకున్నాడు. సాధారణ ఖైదీలకు ఇచ్చే భోజనం నచ్చక చాలా సార్లు అసంతృప్తి వ్యక్తం చేశాడు. జైలు క్యాంటీన్‌ నుంచి తనకు ప్రత్యేకంగా భోజనం కావాలని అధికారులను కోరేవాడు.మినరల్‌ వాటరే తాగే అలవాటున్న అతను కొద్ది రోజులు జైల్లో నీళ్లను కూడా ముట్టలేదు. విలాసవంతమైన జీవితానికి అలవాటు పడిన శ్రీశాంత్ తీహార్‌ జైల్లో పడరాని పాట్లు పడ్డాడు. జైలులో ఉన్నంతకాలం అతను సరిగా తిండి కూడా తినలేదు. మొత్తానికి బెయిల్‌పై విడుదలై మళ్లీ ఇంటికి చేరి మరోసారి జైలు మొహం చూడకూడదని కోరుకుంటున్నాడు.

ఈరోజు ఇంటికి రాగానే తనకిష్టమైన వంటకాలను ఆవురావురుమంటూ లాగించాడు. బెయిల్‌పై విడుదలై కొచ్చిలోని తన ఇంటికి చేరిన శ్రీశాంత్ ముందు మంచి భోజనం చేసి తర్వాత మీడియాతో మాట్లాడాడు. తల్లిదండ్రులు దగ్గరుండి మరీ కొసరికొసరి వడ్డించారు. తృప్తిగా భోజనం చేశాడు. మూడు వారాల నుండి జైల్లో ఉపవాసం చేసిన శ్రీశాంత్ ప్రశాంతంగా భొజనం కుమ్మేసాడు. శ్రీశాంత్ తల్లిదండ్రులు కొడుకు ఆకలి చూసి ఆశ్చర్యపోయినట్లు సమాచారం.