నందమూరి బాలకృష్ణ బర్త్ డే స్పెషల్

Posted: 06/10/2013 07:27 PM IST

53లోకి అడుపెట్టుతున్న టాలీవుడ్ స్టార్ హీరో నందమూరి బాలకృష్ణ.. తన 53వ పుట్టినరోజు వేడుకులను అభిమానుల మద్య ఘనంగా జరుపుకున్నారు. విశ్వవిఖ్యాత నటసార్వభౌమ నటరత్న నందమూరి తారక రామారావు వారుసుడిగా సినీ పరిశ్రమకు పరిచయం అయ్యాడు బాలకృష్ణ . తండ్రి వారసత్వాన్ని నిలబెట్టి నందమూరి అభిమానుల గుండెల్లో నందమూరి ముద్ర వేయటం జరిగింది. తండ్రి బాటలోనే పౌరాణిక, జానపద, సాంఘిక చిత్రాల్లో నటించగల సత్తా ఉన్న హీరోగా వెండితెరపై గుర్తింపు తెచ్చుకున్నారు. ఎన్టీఆర్‌ తనయుడి గా బాలయ్యకు సిల్వర్‌ స్క్రీన్‌ ఎంట్రీ ఈజీగా లభించినా.. ఎన్టీఆర్‌ పేరుకు ఉన్న విలువ కాపాడం కోసం మాత్రం చాలా శ్రమించాడు.. 1974 లో తాతమ్మకల అనే చిత్రం ద్వారా 14 ఏళ్ల వయసులో ఆయన సినీరంగ ప్రవేశం జరిగింది.

ఆ తరువాత ఆయన రామ్ - రహీం ... వేములవాడ భీమకవి చిత్రాల్లో ఇంపార్టెంట్‌ రోల్స్‌ లో నటించాడు. తరువాత అన్నదమ్ముల అనుబంధం ... దానవీర శూర కర్ణ ... అక్బర్ సలీం అనార్కలి చిత్రాలు నటుడిగా బాలకృష్ణ కి మంచి గుర్తింపును తీసుకొచ్చాయి. 1980 ల్లో వచ్చిన మంగమ్మగారి మనవడు సినిమాతో బాలకృష్ణ హీరోఇజానికి తెరతీస్తూ అఖండ విజయాన్ని సాధించింది. ఈ సినిమాలో పల్లెటూరి బుల్లోడిగా బాలక్రిష్ణని నటనకు అభిమానులు బ్రహ్మరథం పట్టారు.. ఇక ఈ సినిమా తరువాత వచ్చిన ముద్దుల క్రిష్నయ్య ... అనసూయమ్మగారి అల్లుడు ... అపూర్వ సహోదరులు సినిమాలు బాలయ్యకు భారీ సక్సెస్‌లతో పాటు మాస్‌ ఫాలోయింగ్‌ను కూడా అందించాయి.. బాలకృష్ణ సినిమాల్లో ఓ డిఫరెంట్‌ మూవీగా గుర్తింపు తెచ్చుకున్న సినిమా ఆదిత్య 369 ఈ సినిమాలో లో హీరోగా కనిపించిన బాలయ్య కొన్ని సీన్స్‌ లో శ్రీకృష్ణ దేవరాయలుగా కనిపించి అలరించాడు...ఆ పాత్రలో బాలయ్య నటన చూసిన అభిమానులు మరోసారి ఎన్టీఆర్‌ ను గుర్తు చేసుకున్నారు.

ఇక తెలుగు సినిమా ఫ్యాక్షన్‌ ట్రెండ్‌ తీసుకువచ్చిన హీరో కూడా బాలయ్యే. ఆయన సమరసింహా రెడ్డి చిత్రంతో ఫ్యాక్షన్ నేపథ్య చిత్రాలకి శుభారంభాన్ని పలికారు. అంతేకాదు బాలకృష్ణ కెరీర్‌ తడబడుతున్న ఇటీవల కాలంలో కూడా మరోసారి ఫ్యాక్షన్‌ నేపధ్యంతో సాగే సింహా సినిమాతో మరోసారి సక్సెస్‌ అందుకున్నాడు బాలయ్య.. త్వరలో మరోసారి తనకు సింహా లాంటి బ్లాక్‌బస్టర్‌ సక్సెస్‌ అందించిన బోయపాటి శ్రీను డైరెక్షన్‌లో జయసింహా సినిమాతో తన అభిమానులను అలరించాడానికి రెడీ అవుతున్నాడు.. సినిమాలతో పాటు రాజకీయాల్లో కూడా తనదైన ముద్ర వేయడానికి ప్రయత్నిస్తున్నారు.. నేడు జన్మదినం జరుపుకుంటున్న నందమూరి బాలకృష్ణ మరెన్నో సంచలన విజయాలు సాధించాలని తెలుగువిశేష్ కోరుకుంటుంది.