‘ఇద్దరమ్మాయిలతో’ షో టాక్

Posted: 05/31/2013 10:59 AM IST

కేంద్ర మంత్రి మెగా స్టార్ చిరంజీవి, రామ్ చరణ్ , వరుణ్ తేజ్ , అల్లు అరవింద్ , పూరి, అల్లు అర్జున్ లు నిర్మాత బండ్ల గణేష్ కు కొత్త ఉత్సాహం నింపారు. దేశముదురు రొమాన్స్ ‘ఇద్దరమ్మాయిలతో ’అదిరిపోయినట్లు టాలీవుడ్ టాక్ వచ్చేంది. ప్రముఖల కోసం ప్రత్యేకమైన షో ను వేయటం జరిగింది. ఈ ఇద్దరమ్మాయిలతో మూవీ షో కు మెగా కుటుంబంతో టాలీవుడ్ లో కొంతమంది ప్రముఖలు ఈ షో చూసినట్లు తెలుస్తోంది. ఇద్దరమ్మాయిలతో మూవీ షో చూసిన పెద్దలు పుల్ ఎంజాయ్ చేసినట్లు ఫిలింనగర్ టాక్. మెగాకుటుంబ సన్నిహితుల నుంచి అందుతున్న సమాచారం ప్రకారం....సినిమా చూసిన రామ్ చరణ్, వరుణ్ తేజ్ సినిమా చాలా బాగుందని సంతృప్తి వ్యక్తం చేసినట్లు తెలిసింది. అదే విధంగా ఈ సినిమాలోని ఇంటర్వెల్ ఫైట్ అద్భుతంగా ఉందని, సినిమాకు ఇది హైలెట్‌గా చెబుతున్నారు.

చిరంజీవి ఈ ఫైట్ సీన్ చూస్తున్నంత సేపు చాలా బాగుంది అంటూ చప్పట్లు కొడుతూనే ఉన్నారట. అదే విధంగా అల్లు అర్జున్ పెర్ఫార్మెన్స్, డాన్స్‌లను చిరంజీవి ప్రశంసించినట్లు తెలిసింది. ఇప్పటికే దర్శకుడు పూరి సినిమా చాలా బాగుందని చెప్పడంతో పాటు....ఇటు హీరో అల్లు అర్జున్, అటు నిర్మాత బండ్ల గణేష్ సినిమా బ్లాక్ బస్టర్ అవుతుందనే నమ్మకంతో ఉన్నారు. ఇప్పటికే దేవిశ్రీ ప్రసాద్ అందించిన సంగీతానికి మంచి రెస్పాన్స్ రావడంతో సినిమాపై భారీ అంచనాలే నెలకొన్నాయి. మెగా అభిమానులు కూడా ఇద్దరమ్మాయిలతో మొదటి షో టాక్ తో సంబంరపడిపోతున్నారు.