Posted: 10/02/2012 03:26 PM IST

కాంగ్రెస్ పార్టీ ఫైర్ బ్రాండ్ గా పేరు తెచ్చుకున్న తెలంగాణ ప్రాంత సీనియర్ మహిళా నేత రేణుకా చౌదరి. ఆమె ప్రత్యేక తెలంగాణ ఒక ప్రకటన విడుదల చేసింది.  రేణుకా చౌదరి చేసిన ప్రకటన పై తెలంగాణ నాయకలు మండి పడుతున్నారు.  రాష్ట్రంలో  మార్చ్ లు, ర్యాలీలు చేస్తే మాత్రం తెలంగాణ రాదని కాంగ్రెస్ పార్టీ తరపున  ప్రకటన చేసింది.  ఈ ప్రకటన పై అనేక అనుమానాలు వినిపిస్తున్నాయి. మొన్న జరిపిన తెలంగాణ మార్చ్ వలన  తెలంగాణ నాయకులు మాట తప్పారని  కాంగ్రెస్ పార్టీ నాయకులు అంటున్నారు. అందుకే తెలంగాణ ప్రకటన చేయటంలేదని రేణుక చౌదరి అంటున్నారు.  రాష్ట్రంలో తెలంగాణ నాయకులు, ప్రజలు , మార్చ్‌లు, ర్యాలీలు చేస్తూ ఒత్తిడి చేస్తే తెలంగాణపై కేంద్ర ప్రభుత్వం ప్రకటన చేయబోదని కాంగ్రెస్ పార్టీకి చెందిన రాజ్యసభ సభ్యురాలు, తెలంగాణ ప్రాంత సీనియర్ మహిళా నేత రేణుకా చౌదరి అభిప్రాయపడ్డారు. దీనిపై ఆమె మాట్లాడుతూ తెలంగాణ రాష్ట్ర ఏర్పాటుపై కేంద్ర ప్రభుత్వం ప్రకటన చేసే వరకు ప్రతి ఒక్కరూ వేచి ఉండాలన్నారు. ఎప్పటికైనా తెలంగాణ తెచ్చేది మేమే, ఇచ్చేదీ మేమేనని ఆమె చెప్పుకొచ్చారు.  కొంతమంది సొంత పార్టీకి చెందిన ఎంపీలు, నేతలు ముఖ్యమంత్రి కిరణ్ కుమార్ రెడ్డిపై విమర్శలు చేయడం తగదన్నారు. గత 25 ఏళ్లుగా తెలంగాణ కోసం పోరాడుతున్నా. ఉద్యమంలోకి రావాలని, పాల్గొనాలని నన్నెవరూ అడగలేదని ఆమె చెప్పుకొచ్చారు.