ITEMVIDEOS: విజయ ఏకాదశి రోజున వారింటికి పిలవకుండా వెళ్లిన అతిధి..

Posted: 10/07/2022 03:58 PM IST

దసరా.. విజయదశమి.. కనకదుర్గమ్మ శ్రీరాజరాజేశ్వర దేవీగా భక్తులకు దర్శనమిచ్చిన రోజు. అందరితో పాటు ఆ ఇంట్లోనివారు కూడా ఎంతో భక్తిశ్రద్దలతో అమ్మవారి దర్శనం చేసుకుని పండగను ఘనంగా జరుపుకున్నారు. ఆ మరుసటి రోజున గ్రామస్థులందరితో పాటు కలసి ఆ కుటుంబం మొత్తం అమ్మవారి విగ్రహాన్ని నిమజ్జనం చేయడానికి చెరువు గట్టు వద్దకు తరలివెళ్లి.. అమ్మవారి విగ్రహాన్ని నిమజ్జనం చేసి వచ్చారు. ఇంతలో ఆ కుటుంబం నుంచి ఎలాంటి ఆహ్వానము లేకుండా వారింటికి అనుకోని అతిధి వచ్చారు. ఇంట్లో ఎవరూ లేని సమయంలో ఇల్లంతా కలియ తిరిగారు.

ఈలోగా కుటుంబసభ్యులు అమ్మవారి నిమజ్జనం నుంచి తిరిగి వచ్చారు. అంతే అనుకోని అతిధిని చూసి హడలిపోయి.. వెంటనే ఇంటి నుంచి బయటకు పరుగులు తీశారు. ఇంటి గడియ పెట్టి ఏకంగా అటవీశాఖ అధికారులకు సమాచారం అందించారు. ఇంతకీ ఏం జరిగిందీ.? ఎవరా అనుకోని అతిధి అంటారా.? ఏదో పాము, లేదా కొండచిలువ వచ్చిందని అనుకుంటున్నారా..? కాదండీ ఏకంగా చిరుత పులి వచ్చింది. మహారాష్ట్రలోని సతారాలో గ్రామంలో జరిగిందీ విచిత్ర ఘటన. సతారాలోని కోయానగర్‌లోని ఓ ఇంట్లోకి చిరుతపులి చొరబడింది. ఇంట్లోని గదుల్లో దర్జాగా తిరిగింది.

కోయానగర్‌కు చెందిన ఓ కుటుంబం గురువారం రాత్రి దుర్గా విగ్రహాల నిమజ్జనోత్సవంలో పాల్గొనేందుకు వెళ్లారు. ఆ సమయంలో ఇంట్లోకి ఓ చిరుతపులి చొరబడింది. నిమజ్జనం అనంతరం ఇంటికి తిరిగి వచ్చిన కుటుంబ సభ్యులు.. ఓ గది తలపు వద్ద కూర్చొని ఉన్న పులిని చూసి షాక్‌ అయ్యారు. వెంటనే భయంతో బయటకు పరుగులు తీసిన కుటుంబ సభ్యులు.. తలుపులను మూసి గడియపెట్టారు. ఇంట్లోకి చిరుతపులి వచ్చిందన్న సమాచారంతో చుట్టుపక్కలవారు పెద్దఎత్తున అక్కడ గుమిగూడారు. కిటికీల్లోనుంచి చిరుతపులిని వీడియోలు తీశారు. సమాచారం అందుకున్న అటవీశాఖ అధికారులు.. పులిని బోనులో బంధించి తీసుకెళ్లారు.

#Maharashtra: #Leopard enters home in #Satara while chasing a pet #dog, on Thursday, Oct 6.

The family members locked the door from outside and trapped the leopard.

After much efforts, #forestdepartment captured the leopard on Oct 7. pic.twitter.com/9QtHxXB0NE

— Free Press Journal (@fpjindia) October 7, 2022