కాజ్ కోసం కదం తొక్కిన 200 మంది మోడళ్లు.. న్యూడ్ ఫోటోషూట్ కు ఫోజులు

Posted: 10/18/2021 03:15 PM IST

ఒక్కరు కాదు ఇద్దరు కాదు ఏకంగా రెండు వందల మంది మోడళ్లు.. ఫోటో షూట్ లో పాల్గోన్నారు. ఇదేంటి రెండు వందలు కాదు మా దేశంలో ఏకంగా వందలాది మంది మోడళ్లు కలసి ఫోటో షూట్ లో పాల్గోంటారు అంటారా. అయితే వారంతా బట్టలు వేసుకుని ఫోటో షూట్ లో పాల్గోంటే ఇక్కడ ఈ రెండు వందల మంది మోడళ్లు మాత్రం నగ్నంగా ఫోటో షూట్ లో పాల్గోన్నారు. అదేంటీ వీరంతా నగ్నంగా ఎందుకు ఫోటో షూట్ దిగారూ అంటారా.? కారణమేంటీ ఏంటని తెలుసుకోవాలని వుందా... ఓ మంచి కాజ్ కోసం వీరు ఈ మేరకు ఫోటో షూట్ చేశారు.

ఇంతకీ వీరంతా కలసి ఎక్కడ ఈ న్యూడ్ ఫోటోషూట్ కు సన్నధమయ్యారంటే.. డెడ్ సీ వద్దనున్న ఎడారిలో వాళ్లంతా ఒకే సారి ఫోటోషూట్ లో పాల్గోన్నారు. అమెరిక‌న్ ఆర్టిస్ట్ స్పెన్స‌ర్ టునిక్ ఈ ఫోటోల‌ను తీశారు. మోడ‌ళ్లు అంద‌రూ శ‌రీరానికి తెల్ల రంగు వేసుకుని ఫోటో షూట్ లో పాల్గొన్నారు. అదేంటి ఈ తెల్లరందు దేనికి సంకేతం అంటారా.? అసలు ఈ ఫోటో షూట్ కు కారణం ఏంటంటే.. ఇజ్రాయిల్ లో నీటి సమస్య తీవ్రంగా వుంది. డెడ్ సీ వద్దనున్న జలసంపత కూడా రాను రాను తరగిపోతోంది. ఈ సమస్యపై అవగాహన కల్పించాలన్న ఉద్దేశ్యంతో న్యూడ్ ఫోటో షూట్ ను ఏర్పాటు చేశారు.,

54 ఏళ్ల ఫోటోగ్రాఫ‌ర్ స్పెన్స‌ర్ ఆదేశాల‌కు త‌గిన‌ట్లు మోడ‌ళ్లు ముందుకు క‌దిలారు. ఇజ్రాయిల్ ప‌ర్యాట‌క శాఖ ఈ కార్య‌క్ర‌మాన్ని నిర్వ‌హించింది. ఫోటోగ్రాఫ‌ర్ ట్యూనిక్ గ‌తంలో ఓ సారి వెయ్యి మంది మోడ‌ళ్ల‌తో ఉప్పునీటి స‌ముద్ర‌మైన డెడ్ సీ వ‌ద్ద న్యూడ్ ఫోటోలు తీశారు. ప్ర‌తి ఏడాది డెడ్ సీ సుమారు ఓ మీట‌రు మేర ఎండిపోతున్న‌ది. ఇజ్రాయిల్‌, జోర్డాన్‌లు ఎగువ ప్రాంతంలో నీటి మ‌ళ్లించ‌డంతో డెడ్ సీ ఎండిపోవాల్సి వ‌స్తోంది. దీనికి తోడు మైనింగ్ కూడా స‌మ‌స్య‌గా మారింది. మోడ‌ళ్ల‌కు వైట్ పేయింట్ వేయ‌డానికి ట్యునిక్ ఓ కార‌ణం చెప్పాడు. బైబిల్‌లోని క‌థ ప్ర‌కారం.. లాట్ అనే వ్య‌క్తి భార్య ఉప్పు స్తంభంగా మారిపోతుంద‌ని, ఆ ఘ‌ట‌న‌ను దృష్టిలో పెట్టుకుని మోడ‌ళ్ల‌కు తెలుపు రంగు వేసిన‌ట్లు టునిక్ తెలిపారు.