విమాన ప్రయాణికులకు సంక్రాంతి పండగ బంపర్ ఆఫర్

Posted: 01/09/2019 02:59 PM IST

Jet airways airasia indigo offers domestic flight tickets for rs 899 international at rs 3 399

సంక్రాంతి పండుగ పర్వదినం సందర్బంగా ప్రైవేటు పౌర విమానయాన సంస్థలు ప్రయాణికులకు బంపర్ ఆఫర్ ప్రకటించాయి. ఏయిర్ ఏషియా, జెట్ ఎయిర్ వేస్ సంస్థలు ప్రయాణికులను అకర్షించడానికి.. దేశీయ, విదేశీ ప్రయాణాలను అత్యంత చౌకధరల్లో ప్రయాణించే ఆఫర్ ప్రకటించాయి. ఈ క్రమంలో తానేం తక్కువ అంటూ ఇండిగో ఎయిర్ వేస్ కూడా సామాన్య మధ్యతరగతి తొలిసారిగా విమానయానం చేసే ప్రయాణికుల కోసం అత్యుత్తమ ఆఫర్ ను ప్రకటించింది.

ఎయిర్ ఏసియా, జెట్ ఎయిర్ వేస్ విమాన ప్రయాణికులకు దేశంలోని పలు రూట్లలో రూ. 999కే టికెట్ అందిస్తున్నట్లు తెలిపింది. జనవరి -21 నుంచి 31 వరకు ప్రయాణించేవారికి ఈ ఆఫర్ వర్తిస్తుందని.. ఇందుకు సంబంధించిన టికెట్ బుకింగ్స్ జనవరి-7 నుంచి 20 వరకు ఉంటాయని తెలిపింది ఏయిర్ ఏషియా ఇండియా. ఈ డిస్కౌంట్ దేశంలోని 20 రూట్స్ లో ప్రయాణించేవారికి కల్పించింది.

ఇంటర్నేషనల్ రూట్స్ లో రూ.2,999కే ప్రారంభ టికెట్స్ అందుబాటులో ఉండగా.. సిడ్నీ, ఆక్లాండ్, మెల్బోర్న్, సింగపూర్, కౌలాలంపూర్, బ్యాంకాక్, క్రాబి, బాలి ప్రాంతాలకు ఈ ఆఫర్‌ ప్రకటించింది. ఇప్పటికే మరో విమానయాన సంస్థ ఇండోగో కూడా రూ.999కే టికెట్ ధరను ప్రకటించింది. ఇక ఇండిగో ఎయిర్ లైన్స్ సంస్థ ఇవాళ తాజాగా ప్రకటించిన ఆఫర్ ప్రకారం కేవలం 899 రూపాయాలకు దేశీయ టికెట్లను అందిస్తోంది. అంతర్జాతీయ ప్రయాణాలను మాత్రం రూ.3,999కి అందుబాటులోకి తీసుకువచ్చింది.,

ఈ ఆఫర్ కింది ఇవాళ ఉదయం ఆరు గంటల నుంచి జనవరి 13 వరకు టిక్కెట్లు బుక్ చేసుకోవచ్చు. కాగా ఈ అపర్ లో టికెట్లు బుక్ చేసుకున్న వారు ఈ నెల 24 నుంచి ఏప్రీల్ 15 మధ్యకాలంతో తమ ప్రయాణాలను సాగించాల్సి వుంటుంది. తమ సంస్థకు చెందిన అన్ని మార్గాల్లో ప్రయాణించే వారికి ఈ ఆపర్ ను కల్పించిన సంస్థ.. ఇక మెబివిక్ వాటెంట్ ద్వారా అన్ లైన్ పేమెంట్స్ ద్వారా టికెట్లు బుక్ చేసుకున్న కస్టమర్లకు ఇండిగో ఎయిర్ లైన్స్ రూ. 500 క్యాష్ బ్యాక్ అఫర్ ను కూడా అదనంగా అందించనుంది.