ఇంటర్ విద్యార్థులకు శుభవార్త: అర్మీలో టెక్నికల్ ఉద్యోగాలు

Posted: 11/03/2018 11:25 AM IST

ఇండియ‌న్ ఆర్మీ ఇంటర్ విద్యను అభ్యసించిన విద్యార్ధులకు శుభవార్తను అందించింది. అర్మీలో ఇంటర్ అర్హతతో ఉద్యోగ అవకాశాలను కల్పించింది. 2019 జులైలో ప్రారంభం కానున్న‌ 10+2 టెక్నిక‌ల్ ఎంట్రీ స్కీమ్ (టీఈఎస్-41) కోర్సు కోసం అవివాహితులైన పురుష అభ్య‌ర్థుల నుంచి తాజాగా ద‌ర‌ఖాస్తులు కోరుతోంది. ఇంటర్ అర్హత ఉన్నవారు దరఖాస్తు చేసుకోవడానికి అర్హులు. అభ్యర్థులు ఆన్‌లైన్ ద్వారా దరఖాస్తు చేసుకోవాల్సి ఉంటుంది. ఇంటర్ మార్కులు, ఇంటర్వ్యూ ఆధారంగా అభ్యర్థులను ఎంపిక చేస్తారు. నవంబరు 27 వరకు దరఖాస్తు చేసుకోవడానికి అవకాశం ఉంది.

* 10+2 టెక్నిక‌ల్ ఎంట్రీ స్కీమ్ కోర్సు (టీఈఎస్‌-41)

మొత్తం ఖాళీల సంఖ్య‌: 90.

అర్హ‌త‌: 70 శాతం మార్కులతో ఇంటర్ (ఎంపీసీ) లేదా తత్సమాన విద్యార్హత ఉండాలి. అభ్యర్థులు నిర్దిష్ట శారీర‌క‌, వైద్య ప్ర‌మాణాలు కలిగి ఉండాలి.

వయోపరిమితి: 16.5 - 19.5 సంవత్సరాల మధ్య ఉండాలి. అభ్య‌ర్థులు 01.01.2000 నుంచి 01.01.2003 మ‌ధ్య జ‌న్మించి ఉండాలి.

దరఖాస్తు విధానం: ఆన్‌లైన్ ద్వారా.

ఎంపిక‌ విధానం: విద్యార్హ‌త‌లో ప్ర‌తిభ‌, ఎస్ఎస్‌బీ ఇంట‌ర్వ్యూ ఆధారంగా. ఎంపికైనవారికి 5 సంవ‌త్స‌రాల శిక్ష‌ణ కాలం ఉంటుంది.

ముఖ్యమైన తేదీలు..
* ఆన్‌లైన్ దరఖాస్తుకు చివరితేది: 27.11.2018.
* ఇంటర్వ్యూలు: 2019 జనవరిలో.