మైనర్ బాలికపై గ్యాంగ్ రేప్.. నిందితుల్లో పలువురు క్లాస్ మేట్స్..

Posted: 06/13/2018 03:32 PM IST

తమిళనాడు రాజధాని చెన్నై సమీపంలో దారుణం జరిగింది. రాజధాని ప్రాంతంలోని తిరువళ్లూరులో సభ్య సమాజం సిగ్గుతో తలదించుకునే మరో ఘటన చోటు చేసుకుంది. పదవ తరగతి చదివి ఇంటిపట్టునే వుంటున్న బాలికను అమె తరగతికే చెందిన విద్యార్థి ఓ నిర్మానుష్య ప్రాంతంలోని గదికి తీసుకెళ్లి బంధించి అమెపై అత్యాచారం చేశాడు. అతనే కాకుండా అతని స్నేహితులు కూడా ఆ బాలికపై 21 రోజుల పాటు పలు పర్యాయాలు అత్యాచార పర్యాన్ని సాగించారు. చివరకు అమె మరీ దయనీయంగా కనబడటంతో అమెను ఓ బస్టాండు వద్ద వదిలి వెళ్లిపోయారు. అయితే అమెపై అత్యాచారం చేసిన వారిలో అమెతో కలసి చదువుకున్న విద్యార్థులే వుండటం గమనార్హం.

వివరాల్లోకి వెళ్తే.. తిరువళ్లూరులో రోజు కూలి పనులు చేసుకునే దంపతుల కుమార్తె పదో తరగతి వరకు చదివింది. ఆ తర్వాత చదువును ఆపేసి ఇంటి వద్దే ఉంటోంది. ఈ క్రమంలో తనతో పాటు చదివిన ఓ యువకుడిని ప్రేమించింది. ఆ యువకుడు ఆమెను పలు చోట్లకు తీసుకువెళుతూ మద్యం, గంజాయి అలవాటు చేశాడు. ఈ క్రమంలో పలుమార్లు ఆ యువకుడు బాలికతో లైంగిక వాంఛలు కూడా తీర్చుకున్నాడు. ఈ నేపథ్యంలో, మే నెల 5న బాధితురాలు అదృశ్యమైంది. అన్నిచోట్ల వెతికిన తల్లిండ్రులు, చివరకు పోలీస్ స్టేషన్ లో ఫిర్యాదు చేశారు. పోలీసులు కూడా కేసు నమోదుచేసుకుని దర్యాప్తు ప్రారంభించారు.

ఈ క్రమంలో బాలిక కోసం పోలీసులు గాలిస్తుండగా... బస్టాండు వద్ద మత్తులో ఉన్న స్థితిలో బాధితురాలు కనిపించింది. ఆమెను పోలీస్ స్టేషన్ కు తీసుకెళ్లిన పోలీసులు అమెను అస్పత్రికి తరలించి చికిత్స చేయించారు. అక్కడే అమెను విచారించగా, తన క్లాస్ మేట్ అయిున యువకుడు తనను నమ్మించి తనకు తెలియని ప్రాంతానికి తీసుకెళ్లి నిర్మానుష్యంగా వున్న ఏరియాలోని ఓ గదిలోకి తీసుకెళ్లి తనను బంధించాడని చెప్పింది. గత నెల 4 నుంచి అతనితో పాటు తనతో చదువుకున్న క్లాస్ మేట్స్ తో కలసి తనపై అత్యాచారం చేయించాడని తెలిపింది. దీంతో ఇప్పటివరకు పోలీసులు అరుగురిని అదుపులోకి తీసుకున్న న్యాయమూర్తి ఉత్తర్వుల మేరకు పుళల్ జైలుకు తరలించారు.  మిగతావారి కోసం ఇంకా గాలింపు చర్యలు కొనసాగుతూనే వున్నాయి.