గజల్ శ్రీనివాస్ బెయిల్ తిరస్కరణ

Posted: 01/05/2018 05:50 PM IST

యువతిని లైంగిక వేధింపుల కేసులో రిమాండ్ లో ఉన్న కళాకారుడు గజల్ శ్రీనివాస్ కు హైదరాబాద్ నాంపల్లి కోర్టులో చుక్కెదురైంది. బెయిల్ కోసం అతను పెట్టుకున్న పిటిషన్ ను కోర్టు కొట్టేసింది.

మరోవైపు పోలీసులపై కోర్టు ఆగ్రహం వ్యక్తం చేసింది. గజల్ శ్రీనివాస్ కు సంబంధించిన వీడియో సీడీలను తమకు సమర్పించకపోవటంపై న్యాయమూర్తి ఆగ్రహం వ్యక్తం చేశారు. అనుమతి లేకుండా ఫోరెన్సిక్ ల్యాబ్ కు ఎలా పంపుతారని న్యాయమూర్తి ప్రశ్నించారు. సీడీలను కోర్టుకు ఎందుకు సమర్పించలేదని నిలదీశారు. ఇక కేసులో ఏ2 నిందితురాలిగా ఉన్న పార్వతి పరారీలో ఉందని ఈ సందర్భంగా కోర్టుకు పోలీసులు తెలిపారు.

ఈ విషయంపై కూడా కోర్టు ఆగ్రహం వ్యక్తం చేసింది. ఓ వైపు మీడియాకు పార్వతి ఇంటర్వ్యూలు ఇస్తుంటే... ఆమె పరారీలో ఉంది అని చెబుతారా అంటూ నిలదీసింది.