అక్కినేని కుటుంబానికి షాక్!

Posted: 01/04/2018 03:51 PM IST

తాజాగా కేంద్ర ప్రభుత్వం కొన్ని ఎన్జీవోల లైసెన్స్ లను రద్దు చేసిన విషయం తెలిసిందే. అందులో హీరో నాగార్జునకు చెందిన అక్కినేని ఇంటర్నేషనల్ ఫౌండేషన్ కూడా ఉందన్న వార్త ఇప్పుడు చక్కర్లు కొడుతోంది.

కేంద్ర మంత్రి కిరణ్ రిజ్జు రాజ్యసభలో ఈ మేరకు విషయాన్ని తెలిపారు. తెలంగాణలో 190.. ఆంధ్రాలో 450 సంస్థల లైసెన్లను రద్దు చేసినట్లు ప్రకటించారు. వీరంతా విదేశాల నుంచి ఫండ్లు స్వీకరిస్తూ.. వార్షిక ఆదాయంలో ఆ వివరాలను పొందుపరచలేదని ఆయన వెల్లడించారు.

కాగా, ఐటీ రిటర్న్స్ ఫైల్ చేయటంలో విఫలమైనందుకే ఈ నిర్ణయం తీసుకున్నట్లు ఆయన తెలిపారు. అక్కినేని నేషనల్ అవార్డులను ప్రధానం చేయటంతోపాటు, అక్కినేని ఇంటర్నేషనల్ ఫౌండేషన్ తరపున గ్రామీణ ప్రాంతాల్లో పలు సహయక చర్యలు అక్కినేని కుటుంబం చేపడుతూ వస్తోంది. అయితే దీనిపై అధికారికంగా అక్కినేని కుటుంబం మాత్రం స్పందించలేదు.