జియో యూజర్లకు షాకింగ్ న్యూస్

Posted: 10/25/2017 10:59 AM IST

భారతీయ టెలికాం రంగంలో సంచలనాలకు తెరలేపిన రిలయన్స్ జియో వినియోగదారులకు మెల్లిగా షాకిచ్చేందుకు సిద్ధమౌతోంది. ఇప్పటికే కస్టమర్ల సంఖ్యను గణనీయంగా పెంచుకున్న జియో.. ఇప్పుడు నెమ్మదిగా లాభాలపై దృష్టిసారించినట్లు సమాచారం. ఈ మేరకు మూడు నాలుగు నెలలకొకసారి టారిఫ్ లను క్రమంగా పెంచేందుకు ప్రణాళిక సిద్ధం చేసింది.

ప్రముఖ బ్రోకరేజ్ సంస్థ గోల్డ్ మన్ సచ్ వెల్లడించిన వివరాల ప్రకారం... అక్టోబర్ 18 నుంచి టారిఫ్ లను 15 నుంచి 20 శాతం వరకు పెంచేసిన జియో... మరోసారి ఆ దిశగా అడుగులు వేస్తోంది. జనవరిలో ఇది మరోసారి ఉండబోతున్నట్లు ఆ నివేదికలో పేర్కొంది. యూజర్ పై వచ్చే సగటు రెవెన్యూను పెంచుకునే పనిలో పడిందని తెలిపింది. ప్రస్తుతం ఉన్న రూ. 309 ప్యాకేజీ గడువును 49 రోజుల నుంచి 28 రోజులకు కుదించే అవకాశం ఉందని.. 399 రూపాయల త్రీ మంత్స్ ఫ్లాన్ (84 రోజుల)ను.. 459 రూపాయల ఆఫర్ గా మార్చి కేవలం 70 రోజులకే కుదించనుందని పేర్కొంది.

ఇప్పటికే డేటా ప్యాక్ ల విషయంలో మార్పులు చేసిన విషయం తెలసిందే. ఇదే సమయంలో, జియో టారిఫ్ ల పెంపుతో ఎయిర్ టెల్ ఎక్కువగా లాభపడుతుందని గోల్డ్ మన్ అంచనా వేసింది.