నటి అత్యాచార కేసులో నటుడుకి మళ్లీ చుక్కెదరు..

Posted: 07/15/2017 07:02 PM IST

ప్రముఖ మలయాళీ నటుడు దిలీప్ కుమార్‌ పెట్టుకున్న బెయిల్ పిటిషన్ ను న్యాయస్థానం తిరస్కరించింది. ఆయనకు విధించిన పోలీస్‌ కస్టడీ ముగియడంతో పోలీసులు శనివారం అంగమలీ జ్యూడిషియల్ ఫస్ట్ క్లాస్ మేజిస్ట్రేట్ కోర్టు ఎదుట హాజరుపరిచారు. ఈ కేసును విచారించిన న్యాయస్థానం దిలీప్ బెయిల్ పిటిషన్ ను కొట్టిపారేసింది. ఆయనకు ఈ నెల 25 వరకూ జ్యూడిషియల్‌ కస్టడీకి అప్పగించింది.

మలయాళీ నటి అపహరణ, లైంగిక వేధింపుల కేసులో ఆరోపణలను ఎదుర్కొంటున్న నేపథ్యంలో దిలీప్ ను సోమవారం పోలీసులు అరెస్టు చేసిన విషయం తెలిసిందే. అయితే తాను అమాయకుడినని, అనవసరంగా ఇరికించారని దిలీప్ ఆరోపిస్తున్నారు. ఈ ఏడాది ఫిబ్రవరిలో మలయాళీ నటిని కారులో అపహరించి, అనంతరం లైంగిక వేధింపులకు పాల్పడిన ఘటనలో తనను అనవసరంగా ఇరికిస్తున్నారని అరోపించారు. అయితే న్యాయస్థానం అతని బెయిల్ పిటీషన్ ను కొట్టిపారేయడంతో.. అతను కేరళ రాష్ట్రోన్నత న్యాయస్థానాన్ని అశ్రయించి బెయిల్ పిటీషన్ ను పోందే అవకాశాలున్నాయిన సమాచారం.