యూపీలో దారుణం: అత్యాచారాన్ని అడ్డుకుంటుందని..

Posted: 06/27/2017 07:03 PM IST

Up girl set ablaze for resisting molestation

ఉత్తర ప్రదేశ్ లో నేరాలు అదుపు చేయడం మాతో సాధ్యం కాదని సాక్ష్యాత్తు ఆ రాష్ట్రానికి చెందిన మంత్రి చేతులెత్తేసిన నేపథ్యంలో రోజుకో యువతి తన మానప్రాణాలను కొ్లపోతున్నారు. తాజాగా నేరాల ఖిల్లాగా మారిన ఉత్తర్ ప్రదేశ్ లో మరో దారుణం చోటుచేసుకుంది. ఫోన్‌కు ఛార్జింగ్‌ పెట్టుకుంటానని వచ్చి.. ఇంట్లో ఒంటరిగా ఉన్న యువతిపై లైంగికదాడికి యత్నించాడో అగంతకుడు. అందుకు యువతి అడ్డుకోవడంతో ఆమెను సజీవదహనం చేశాడు. పోలీసులు తెలిపిన వివరాల ప్రకారం..

బరేలీలోని షాహిగణేశ్ పూర్ ప్రాంతానికి చెందిన హరియమ్ అనే యువకుడు తన పక్కింట్లో నివసించే మైనర్ బాలికపై కన్నేశాడు. గతంలో రెండు మూడు పర్యాయాలు బాలికతో అసభ్యంగా ప్రవర్తించేందుకు యత్నించిన నేపథ్యంలో బాలిక తల్లిదండ్రులు యువకుడి సోదరి దృష్టికి విషయాన్ని తీసుకెళ్లారు. దీంతో అమె మందలించిందని బాలికపై కక్షను పెంచుకున్నాడు. అయితే అదివారం రోజున ఇంట్లో బాలిక తల్లిదండ్రులు ఎవరూ లేరన్న విషయాన్ని తెలుసుకున్న యువకుడు తన ఫోన్ చార్జింగ్ పెట్టుకుంటానని బాలిక ఒంటరిగా వున్నా.. ఇంట్లోకి వ్రవేశించాడు.

ఆ సమయంలో 17ఏళ్ల యువతి ఇంట్లో ఒంటరిగా ఉండటంతో అదే అదనుగా బావించిన యువకుడు అమెపై లైంగికదాడికి యత్నించాడు. హరియమ్‌ చర్యతో యువతి గట్టిగా కేకలు వేసింది. దీంతో విషయం బయట పడుతుందని భయపడిన హరియమ్‌.. ఆమెపై కిరోసిన్‌ పోసి నిప్పటించాడు. ఆ తర్వాత అక్కడి నుంచి పరారయ్యాడు. బాధితురాలి అరుపులు విన్న స్థానికులు ఆమెను వెంటనే స్థానిక ఆసుపత్రికి తరలించారు. అయితే చికిత్స పొందుతూ యువతి మృతిచెందింది. ఘటనపై పోలీసులు కేసు నమోదు చేసుకున్నారు. పరారీలో ఉన్న నిందితుడి కోసం గాలిస్తున్నట్లు చెప్పారు.