రేపిస్ట్ అంకుల్ ను ఎలా పట్టించిందంటే...

Posted: 06/14/2017 08:45 AM IST

Court convinced with child sketch evidence in rape case

ఆదరణ పేరుతో అక్కున చేర్చుకున్న ఓ చిన్నారిపై ఓ మృగం దాష్టీకానికి పాల్పడింది. విషయం ఎలాగోలా న్యాయస్థానంకు చేరింది. చిన్న పిల్ల కావటంతో సాక్ష్యం చెల్లదని, తన శిక్ష తప్పుతోందని లోపల అనుకున్నాడు ఆ కిరాతకుడు. కానీ, పదేళ్ల ఆ పసికందు మాత్రం పెద్దకు షాక్ ఇచ్చింది. ఆ దెబ్బకు ఊచలు లెక్కిస్తున్నాడు కామాంధుడు.

కోల్‌కతాకు చెందని చిన్నారి (10) తల్లిదండ్రులు విడిపోవటంతో, ఢిల్లీలోని తన మేనత్త ఇంట్లో ఉండి చదువుకుంటోంది. రెండేళ్ల క్రితం నుంచి అంటే బాలికకు 8 ఏళ్ల వయసు నుంచే మామయ్య అక్తర్ అహ్మద్ పలుమార్లు అఘాయిత్యానికి పాల్పడ్డాడు. గతేడాది జూన్‌లో అక్తర్‌ను పోలీసులు అరెస్ట్ చేశారు. అయితే బాలిక కావాలనే నిందితుడిని వేధిస్తోందని, అత్యాచారం జరిగిందనడానికి సరైన సాక్ష్యాధారాలు లేవని నిందితుడి తరపు న్యాయవాది కోర్టుకు తెలిపాడు.

బాలిక ఆరోపణలను పరిగణనలోకి తీసుకోరాదని కోరాడు. అయితే సరిగ్గా ఇక్కడే కథ మలుపు తిరిగింది. విచారణలో భాగంగా కోర్టులో బాలికకు ఓ పేపర్, క్రేయాన్లు ఇచ్చి ఏం జరిగిందో బొమ్మ గీసి చూపించమనగా, బాలిక తనపై జరిగిన అత్యాచారం తీరును కళ్లకు కట్టినట్టు బొమ్మ గీసి చూపించింది. ఓ ఇంట్లో చేతిలో బెలూన్లు పట్టుకుని నిల్చున్న బాలిక తన దుస్తులు దూరంగా పడి ఉన్నట్టు బొమ్మ వేసింది. అంతేకాక తన ఆవేదనకు అద్దంపట్టేలా దిగులును ప్రతిబింబించే రంగులు వాడింది.

ఆమె బొమ్మను పరిగణనలోకి తీసుకున్న కోర్టు ఏం జరిగిందో అర్థం చేసుకుంది. బాలిక గీసిన బొమ్మను బలమైన సాక్ష్యాధారంగా పరిగణించిన ఢిల్లీ కోర్టు నిందితుడికి ఐదేళ్ల జైలు శిక్ష విధిస్తూ తీర్పు చెప్పింది. బాలిక రక్షణణు శిశు సంక్షేమ ఫౌండేషన్ కు అప్పజెప్పి, 3 లక్షల పాప పేరిట డిపాజిట్ చేయమని నిందితుడిని ఆదేశించింది.